'স্বামীৰ ইচ্ছা পূৰণ কৰিম'! স্বামী নিকৰ বাবেই ১১টা সন্তানৰ মাতৃ হ'বলৈ সাজু প্ৰিয়ংকা চোপ্ৰা

 নিক জোনাছে এটা সাক্ষাৎকাৰত কৈছিল যে প্ৰিয়ংকা চোপ্ৰা তেওঁৰ জীৱনৰ এক অতি সুন্দৰ অংশ আৰু তেওঁৰ সৈতে নিকে এটা ডাঙৰ পৰিয়াল গঢ়িবলৈ পৰিকল্পনা কৰিছে। নিকে লগতে কৈছিল ''সন্তানৰ সৈতে আমাৰ এক অতি সুন্দৰ যাত্ৰা হ’ব। মই প্ৰিয়ংকাৰ পৰা আৰু বহুতো সন্তান বিচাৰো।'' আনহাতে প্ৰিয়ংকা চোপ্ৰাইও এক সাক্ষাৎকাৰত কৈছিল যে তেওঁক ১১টা সন্তান লাগে। এই উত্তৰ দিয়াৰ পাছতেই অভিনেত্ৰীগৰাকীয়ে জোৰেৰে হাঁহি দিছিল। প্ৰিয়ংকাই কয় যে ''মই এটা সম্পূৰ্ণ ক্ৰিকেট দল বনাব বিচাৰো আৰু এটা ক্ৰিকেট দল বনাবলৈ ১১টা শিশুৰ প্ৰয়োজন। নিকেও বহু সন্তানৰ পিতৃ হোৱাটো বিচাৰে। গতিকে মই ১১টা সন্তানৰ মাতৃ হ'বলৈ সাজু।''

 উল্লেখ্য যে ২০১৮ চনত প্ৰিয়ংকা চোপ্ৰা আৰু নিক জোনাছ বিবাহপাশত আবদ্ধ হৈছিল। নিক জোনাছৰ ছ’চিয়েল মিডিয়াৰ প্ৰফাইল চালেই বুজিব যে নিক’ৰ প্ৰিয়ংকাৰ প্ৰতি থকা আবেগ আৰু মৰম কেতিয়াও কম হোৱা নাই। ভাৰতৰ ৰাজস্থানত অৱস্থিত উমৈদ ভৱনত হিন্দু ৰীতি-নীতি আৰু খ্ৰীষ্টান ৰীতি-নীতি অনুসৰি দুয়োৰে বিয়া হৈছিল। সমগ্ৰ বিশ্বৰ সংবাদ মাধ্যমে তেওঁলোকৰ বিবাহৰ প্ৰচাৰ কৰিছিল।