তোমাক পালোঁ,মই ভাগ্যৱান! প্ৰযোজক ৰবীন্দৰৰ সৈতে বিয়াত বহি এনেদৰে ক’লে অভিনেত্ৰী মহালক্ষ্মীয়ে

 ’বিদ্যুম বৰাই কাথিৰু’ নামৰ এখন ছবিত একেলগে কাম কৰিছে ৰবীন্দৰ আৰু মহালক্ষ্মীয়ে। তাৰ পিছতে দুয়োৰে মাজত গঢ়ি উঠিছিল প্ৰেমৰ সম্পৰ্ক। সময়ৰ সময়ৰ লগে লগে দুয়োৰে মাজৰ ঘনিষ্ঠতা বাঢ়ি গৈ থাকিল। অৱশেষত দুয়ো ল'লে বিয়াৰ সিদ্ধান্ত। বিয়াৰ ফটো শ্বেয়াৰ কৰি অভিনেত্ৰীগৰাকীয়ে ইনষ্টাগ্ৰামত লিখিছে, ‘জীৱনত তোমাক পাই মই নিজকে ভাগ্যৱান বুলি গণ্য কৰোঁ। তুমি মোৰ জীৱনটো তোমাৰ মৰমেৰে ভৰাই দিলা। লাভ ইউ আম্মু।’

বিয়াৰ ফটো ভাইৰেল হোৱাৰ লগে লগে এই নতুন দম্পতীক যুগ্ম জীৱন সুখৰ হ'বৰ বাবে বহুতে শুভকামনা জনাইছে। একে সময়তে অভিনেত্ৰীগৰাকীৰ আকস্মিক বিবাহক লৈ একাংশই পতিয়ন যাব পৰা নাই। একাংশই মন্তব্য কৰিছে যে 'এয়া নতুন ছিৰিয়েলৰ প্ৰমো নেকি?' 

উল্লেখযোগ্য যে ‘বাণী ৰাণী’, ‘চেল্লাময়’, ‘অফিচ’, ‘আৰাছি’, ‘থিৰু মঙলম’, ‘য়ামিৰুক্কা বায়ামেন’, কেলাদি কানমণি আদি ধাৰাবাহিকত মহালক্ষ্মীয়ে অভিনয় কৰিছে। একে সময়তে ৰবীন্দ্ৰ চন্দ্ৰশেখৰে ‘নলনাম নন্দিনিয়ম’, ‘সুত্ত কাধাই’, ‘নটপুনা এন্নানু থেৰিয়ুমা’, ‘মুৰুংকাই চিপছ’ আদি ছবি নিৰ্মাণ কৰিছে।