মুক্তিৰ পূৰ্বে চৰ্চাত অল্লু অৰ্জুনৰ ‘পুষ্পা ২’ ; এডভান্স বুকিঙৰ জৰিয়তে ৪৮ ঘন্টাত ৩২ কোটি টকা উপাৰ্জন

সুকুমাৰৰ পৰিচালনাত নিৰ্মিত ‘পুষ্পা ২’ ২০২৪ চনৰ আটাইতকৈ প্ৰত্যাশিত ছবি। ২০২১ চনত ‘পুষ্পা: দ্য ৰাইজ’ৰ পৰা এই ছবিখনৰ বাবে দৰ্শক বিশেষকৈ আল্লু অৰ্জুনৰ অনুৰাগীসকলে আগ্ৰহেৰে অপেক্ষা কৰি আছে। ৫ ডিচেম্বৰ বৃহস্পতিবাৰে মুক্তি পাবলগীয়া ছবিখনৰ এডভান্স বুকিঙৰ বাবে এতিয়াও তিনিদিনৰ সময় আছে। এই ছবিখন তেলেগু, হিন্দী, তামিল, মালয়ালম আৰু কানাড়া ভাষাত টুডি, থ্ৰীডি আৰু আইমেক্স সংস্কৰণত মুক্তি লাভ কৰিব ।

এক প্ৰতিবেদন অনুসৰি, ৪৮ ঘণ্টাৰ ভিতৰতে ‘পুষ্পা ২: দ্য ৰুল’ৰ এডভান্স বুকিঙে সকলো সংস্কৰণতে মুকলি দিনটোৰ বাবে ২১.৯৯ কোটি টকাৰ মুঠ উপাৰ্জন কৰিছে। আনহাতে ব্লকৰ আসনৰ সৈতে মুঠ ৩১.৩২ কোটি টকাৰ এডভান্স বুকিং কৰা হৈছে। দেওবাৰৰ নিশালৈকে ছবিখনৰ ১৬ হাজাৰৰো অধিক শ্ব’ৰ ৬.৭৪ লাখৰো অধিক টিকট বিক্ৰী হৈছে।

‘পুষ্পা ২: দ্য ৰুল’ মূলতঃ এখন তেলেগু ছবি, যিখন ছবিয়ে মুক্তি লাভ কৰিছে সমগ্ৰ ভাৰতত। বাজেট প্ৰায় ৫০০ কোটি টকা। আমোদজনক কথাটো হ’ল, হিন্দী সংস্কৰণতো ই তেলেগু সংস্কৰণৰ দৰেই প্ৰায় এডভান্স বুকিং লাভ কৰিছে। প্ৰথম ৪৮ ঘণ্টাত হিন্দী সংস্কৰণৰ বাবে ১০.২৯ কোটি টকাৰ টিকটৰ এডভান্স বুকিং কৰা হৈছে আৰু তেলেগু সংস্কৰণৰ বাবে ১০.৮৯ কোটি টকাৰ এডভান্স বুকিং হৈছে।

আনহাতে, ২০২২ চনত মুক্তি পোৱা কেজিএফ চেপ্তাৰ ২ য়ে হিন্দীত সৰ্বাধিক এডভান্স বুকিং পোৱা ছবিসমূহৰ ভিতৰত শীৰ্ষস্থান দখল কৰিছে। প্ৰি-চেলছৰ পৰা ৪০.৬৫ কোটি টকা উপাৰ্জন কৰিছিল। দ্বিতীয় স্থানত আছে ‘বাহুবলী ২’, যাৰ হিন্দীত এডভান্স বুকিং আছিল প্ৰায় ৪০ কোটি। তৃতীয় স্থানত শ্বাহৰুখ খানৰ ‘জাৱান’, যিয়ে ৩৭.২৪ কোটি টকা উপাৰ্জন কৰিছিল। চতুৰ্থ স্থানত আছে ‘পাথান’, যাৰ এডভান্স বুকিঙে ৩১.১৮ কোটি টকা উপাৰ্জন কৰিছিল।