১৩ মে’ত ৰাঘৱ চাদ্ধা আৰু পৰিনীতি চোপ্ৰাৰ এংগেজমেণ্ট! দিল্লীত অনুষ্ঠিত হ’ব অনুষ্ঠান

অৱশ্যে ৰাঘৱ বা পৰিনীতিৰ কোনো এজনেও এই খবৰ আনুষ্ঠানিকভাৱে নিশ্চিত কৰা নাই। আজি পুৱা নিশ্চিতভাৱে দুয়োকে মুম্বাই বিমানবন্দৰত দেখা গ’ল, য’ৰ পৰা তেওঁলোকে দিল্লীলৈ বিমানেৰে যাত্ৰা কৰে। যোৱা এমাহত দুয়োজনে কেইবাবাৰো ইজনে সিজনৰ লগত দুপৰীয়াৰ আহাৰ খাবলৈ গৈছে। কিছুদিন পূৰ্বে দুয়োকে একেলগে মোহলী ক্ৰিকেট ষ্টেডিয়ামত দেখা গৈছিল।

প্ৰতিবেদন অনুসৰি বিগত কেইবাদিনো দুয়োৰে পৰিয়ালে ইজনে সিজনৰ লগত যোগাযোগ কৰি আছে। যদিও তেওঁলোক নিজৰ নিজৰ কামত ব্যস্ত আছিল, সেয়েহে তাৰিখ ঘোষণাই সময় লৈছিল। এতিয়া প্ৰায় নিশ্চিত হৈছে যে ১৩ মে’ত পৰিয়াল আৰু বন্ধু-বান্ধৱীৰ উপস্থিতিত দুয়োৰে এংগেজমেণ্ট হ’ব। 

২৮ মাৰ্চৰ পুৱা ১১:৪৫ বজাত আপৰ সাংসদ সঞ্জীৱ অৰোৰাই এটা টুইট কৰিছিল, য’ত তেওঁ পৰিনীতি আৰু ৰাঘৱৰ ফটো শ্বেয়াৰ কৰি লিখিছিল, ‘আপোনালোক দুয়োকে আন্তৰিকতাৰে অভিনন্দন জনাইছো। আশা কৰো যে তেওঁলোকৰ একেলগে থকাটো মৰম আৰু আনন্দৰে ভৰা। মোৰ শুভেচ্ছা তোমাৰ লগত।'

পৰিনীতিৰ বিশেষ বন্ধু তথা গায়ক হাৰ্ডি সন্ধুৱেও এই খবৰ নিশ্চিত কৰিছে। এক সাক্ষাৎকাৰত তেওঁ কয় যে, "পৰিনীতিৰ বাবে মই বহুত সুখী, তেখেতক শুভকামনা জনাইছো। ফোনতো অভিনন্দন জনাইছো।"

খবৰ অনুসৰি পৰিনীতি আৰু ৰাঘৱে ইংলেণ্ডত পঢ়াৰ পৰাই চিনাকি। পৰিনীতিয়ে মানচেষ্টাৰ বিজনেছ স্কুলত অধ্যয়ন কৰাৰ বিপৰীতে ৰাঘৱে লণ্ডন স্কুল অৱ ইকনমিক্সত অধ্যয়ন কৰিছিল।

ইংলেণ্ডত দুয়োকে ‘ইণ্ডিয়া ইউ কে আউটষ্টেণ্ডিং এচিভাৰ অনাৰ্ছ’ৰে সন্মানিত কৰা হয়। এই অনুষ্ঠানত ৭৫ জন ব্যক্তিক বঁটা প্ৰদান কৰা হৈছিল। ইয়াত ব্ৰিটিছ বিশ্ববিদ্যালয়ৰ পৰা অধ্যয়ন কৰা ছাত্ৰসকলক সন্মান জনোৱা হৈছিল৷