মানুহে কৰিব নোৱাৰা কাম একো নাই; ৫১ বছৰ বয়সত ৪২ কিলো ওজন কমালে অভিনেতা ৰাম কাপুৰে

প্ৰায় তিনিমাহ ধৰি ছ’চিয়েল মিডিয়াত নিষ্ক্ৰিয় হৈ থকাৰ পাছত অভিনেতাগৰাকীয়ে নিজৰ ইনষ্টাগ্ৰাম হেণ্ডেলত গৈ নিজৰ নতুন ফটো পোষ্ট কৰে৷ ছবিখনত তেওঁৰ ওজন হ্ৰাসৰ পাছৰ ৰূপান্তৰ স্পষ্ট হৈ পৰিছে৷ তেওঁ ৫১ বছৰ বয়সত ৪২ কিলো ওজন কমাই এক সুঠাম শৰীৰৰ অধিকাৰি হৈছে৷ সামাজিক মাধ্যমত ফটোবোৰ প্ৰকাশ কৰা পাছত ভাইৰেল হৈ পৰিছে অভিনেতা গৰাকীৰ নতুন ৰূপ৷

প্ৰসংগক্ৰমে ইয়াৰ পূৰ্বে অভিনেতা গৰাকীয়ে ২০১৯ চনত তেওঁ মাত্ৰ ৭ মাহৰ ভিতৰত ৩০ কিলোগ্ৰাম ওজন কমাই চৰ্চালৈ আহিছিল। 

ৰাম কাপুৰ টেলিভিছনত সম্প্ৰচাৰিত বড়ে আচ্ছে লাগতে হায়, কাছাম ছে, আদি ধাৰাবাহিকৰ জৰিয়তে পৰিচিত হৈ পৰিছিল। ইয়াৰ উপৰিও তেওঁ হামছকলছ, বাৰ বাৰ দেখ’, ষ্টুডেণ্ট অৱ দ্য ইয়েৰ, থাপ্পাড়, দ্য বিগ বুল, নীয়ত আদিকে ধৰি কেইবাখনো চিনেমাতো অভিনয় কৰিছে।

ইয়াৰ উপৰিও তেওঁ ৱেব শ্ব’ জুবিলী, মাছাবা মাছাবা, খালবালি ৰেকৰ্ডছ, আৰু হিউমেন আদিতো অভিনয় কৰিছে।