ডিজিটেল ডেস্কঃ অভিনেতা ৰণবীৰ সিঙে এখন আলোচনীৰ বাবে নগ্ন ফটো শ্বুট কৰি ছ’চিয়েল মিডিয়াক ধুমুহাৰ সৃষ্টি কৰিছে। বৃহস্পতিবাৰৰ পৰা ৰণবীৰৰ ছবিবোৰ নেটিজেনসকলৰ মাজত বিশেষ ক্ৰিয়া কৰা পৰিলক্ষিত হৈছে। কিন্তু নিজৰ সুশ্ৰী শৰীৰ এইদৰে প্ৰকাশ্যে দেখুওৱা ৰণবীৰেই প্ৰথম নহয়। বলীউডৰ বহু তাৰকাই কেমেৰাৰ সন্মুখত এনেকৈ নগ্ন ৰূপ দেখুৱাই সাহসী ফটোশ্বুট কৰিছে। কোন কোন আছে এই তালিকাত?
এই তালিকাৰ শীৰ্ষত আছে মহিলাসকলৰ ক্ৰাছ তথা ছুপাৰমডেল মিলিন্দ সোমন আৰু তেওঁৰ সৈতে আছে মধু ছাপ্ৰে। বহু বছৰৰ আগতে তেওঁলোকে কেমেৰাৰ সন্মুখত পোছাক পৰিধান নকৰাকৈ ফটোশ্বুট কৰিছিল। মিলিন্দৰ ডিঙিত আছিল সৰ্প। পৰৱৰ্তী সময়ত ২০২০ চনত ৫৫ সংখ্যক জন্মদিন উপলক্ষে গোৱাৰ হ্ৰদত আকৌ নগ্ন হৈছিল এই ছুপাৰ মডেলগৰাকী। কিন্তু ইয়াৰ বাবে তেওঁৰ বিৰুদ্ধে ৰুজু হৈছিল গোচৰ।
১৯৯১ চনত কণ্ডমৰ এটি বিজ্ঞাপনৰ বাবে কেমেৰাৰ সন্মুখত নগ্ন হৈ পৰিছিল অভিনেতা পূজা বেদী। সেই সময়ত তেওঁৰ সাহসী পদক্ষেপে দেশজুৰি তীব্ৰ প্ৰতিক্ৰিয়াৰ সৃষ্টি কৰিছিল।
মিষ্টাৰ পাৰ্ফেকচনিষ্ট খ্যাত আমিৰ খানো আছে এই তালিকাত। ব্লকবাষ্টাৰ ‘পিকে’ৰ এটা দৃশ্যৰ বাবে নগ্ন হ’বলগীয়া হৈছিল আমিৰ খান।
অভিনেতা জন আব্ৰাহামেও ২০২১ চনত ইনষ্টাগ্ৰামত নিজৰ এখন নগ্ন ফটো পোষ্ট কৰিছিল। বলীউডৰ এইগৰাকী ছুপাৰষ্টাৰৰ ছবিয়ে ছ’চিয়েল মিডিয়াত লগাইছিল তোলপাৰ।
অভিনেতা কালকী ক’চলিনেও কেমেৰাৰ সন্মুখত উলংগ হোৱাৰ সাহসী পদক্ষেপ গ্ৰহণ কৰিছিল।
Leave A Comment