ডিজিটেল ডেস্কঃ পুনৰ প্ৰেমত পৰিছে ৰিয়া চক্ৰৱৰ্তী। প্ৰয়াত অভিনেতা সুশান্ত সিং ৰাজপুতৰ মৃত্যুৰ পাছতে ব্যাপক মিডিয়া ট্ৰায়েলৰ মুখামুখি হোৱা অভিনেত্ৰীগৰাকীক লৈ শেহতীয়াকৈ গুঞ্জন আৰম্ভ হৈছে।
জানিব পৰা মতে, ব্যৱসায়ী বাণ্টি সাজদেৰ স’তে প্ৰেমৰ সম্পৰ্কত সোমাইছে ৰিয়া। কেৱল সেয়াই নহয়, পাৰিবাৰিকভাৱেও বহুখিনি আগুৱাই গৈছে তেওঁলোক। ৰিয়াক আদৰি লৈছে বাণ্টিৰ ভগ্নী সীমা সাজদেইও।
শনিবাৰে ছৱি পৰিচালক অমৃতপাল সিংহ বৃন্দাৰ এটা ঘৰুৱা পাৰ্টিত সীমা সাজদেৰ স’তে দেখা পোৱা গ’ল ৰিয়াক। ক’লা পোচাক, খোলা চুলিৰে ৰিয়াই পাৰ্টিটোত অংশ লয়। সীমা সাজদেৰ স’তে প্ৰচুৰ ঘৰুৱা আন্তৰিকতা মূহূৰ্ত কটোৱা দেখা গ’ল ৰিয়াক।
উল্লেখ্য যে সুশান্ত মৃত্যুৰ আইনী জটিলতাৰ পৰা এতিয়া ৰিয়া মুক্ত হৈছে। আৰম্ভ হৈছে স্বাভাৱিক জীৱনযাত্ৰা।
আনহাতে, বাণ্টি সাজদে এগৰাকী প্ৰভাৱশালী ব্যৱসায়ী হিচাপে সুপৰিচিত। ইয়াৰ পূৰ্বেও বলিউডৰ কেইবাগৰাকী অভিনেত্ৰীৰ স’তে সম্পৰ্ক গঢ়িছিল বাণ্টিয়ে.
Leave A Comment