ছ’চিয়েল মিডিয়াত কোনো একাউণ্ট নাই ছেইফ আলী খানৰ! কাৰণ কি?

ছেইফ আলী খানে যে তেওঁ কথাবোৰ ৰেক’ৰ্ডিং আৰু ডকুমেণ্ট কৰি ভাল পায়। অৱশ্যে যিকোনো কথাতে বিভিন্ন জনে বিভিন্ন পৰামৰ্শ দিয়া বাবেই তেওঁ কোনো ফটো বা তেওঁৰ লগত জড়িত কথাবোৰ প’ষ্ট নকৰে। ছেইফৰ মতে ছ’চিয়েল মিডিয়াত সকলো বস্তুৱেই অতি কৃত্ৰিম। যিকোনো কথা পোষ্ট কৰাৰ আগতে বহুবাৰ চিন্তা কৰিব লাগে। তেওঁ লগতে কয় যে তেওঁৰ ছ’চিয়েল মিডিয়া একাউণ্ট চম্ভালিবলৈ তেওঁ এজন মেনেজাৰ নিয়োগ কৰিব লাগিব। সেইবাবেই তেওঁ এই সকলোবোৰৰ হেঁচাত সোমাব নিবিচাৰে।

 ফেচবুক, টুইটাৰ, ইনষ্টাগ্ৰাম ক'তোৱেই নাই ছেইফ আলী খান। অৱশ্যে তেওঁ প্ৰকাশ কৰে যে মাত্ৰ এটা কথাইহে তেওঁক এদিন ছ’চিয়েল মিডিয়াৰ সৈতে সংযোগ কৰিব পাৰে। ছেইফৰ মতে, ছ’চিয়েল মিডিয়াৰ জৰিয়তে উপাৰ্জনৰ দিশটো চাই তেওঁ হয়তো এদিন ছ’চিয়েল মিডিয়াত যোগদান কৰাৰ কথা চিন্তা কৰিব পাৰে।

ছেইফ আলী খানৰ নিজা কোনো একাউণ্ট নাই। তেওঁৰ ফেন ক্লাৱে দুই এটা একাউণ্ট খুলি ৰাখিছে, যি একাউণ্টৰ সৈতে তেওঁ জড়িত নহয়।