নতুনতৈ প্ৰেমত পৰিছে নেকি ছলমান খান? ২৪বছৰ সৰু এইগৰাকী অভিনেত্ৰীৰ লগত ডেটিং কৰাৰ খবৰ ভাইজানৰ

এই কথাটো সকলোৱে জানে যে ছলমান খানৰ নাম আজিলৈকে তেওঁৰ কেৰিয়াৰত বহু অভিনেত্ৰীৰ সৈতে জড়িত হৈ আছে। কিছুমানৰ লগত তেওঁৰ সম্পৰ্কও অতি শোচনীয় অৱস্থাত শেষ হৈ গ’ল। এতিয়া খবৰ আহিছে যে ছলমান খানে নিজৰ নতুন সংগী বিচাৰি পাইছে। হয়, শেহতীয়া এক প্ৰতিবেদন অনুসৰি ভাইজান পূজা হেগড়েৰ লগত ডেটিং কৰি আছে।

বিষয়টোৰ বিষয়ে তথ্য দি চলচ্চিত্ৰ জগতৰ ভিতৰৰ স্কুপ দিয়া উমেইৰ সন্ধুৱে টুইট কৰিছে। উমেইৰে নিজৰ টুইটত লিখিছে, ‘ব্ৰেকিং নিউজ: বিটাউনত আহিল নতুন দম্পতী!! পূজা হেগড়েৰ প্ৰেমত পৰিছে মেগা ষ্টাৰ ছলমান খান। ছলমান খানৰ প্ৰডাকচন হাউছেও পৰৱৰ্তী ২ খন ছবিৰ বাবে পূজাক চুক্তিবদ্ধ কৰিছে। দুয়োজনে বৰ্তমান একেলগে বহু সময় কটাব ধৰিছে। এই কথা নিশ্চিত কৰিছে ছলমান খানৰ অতি ঘনিষ্ঠ ব্যক্তি এজনে।'

উল্লেখযোগ্য  যে ছলমান খান আৰু পূজা হেগড়ক অতি সোনকালে একেলগে দেখা যাব ‘কিছি কা ভাই কিছি কি জান’ ছবিত। অহা বছৰ ডাঙৰ পৰ্দাত মুক্তি পাব ছবিখন। ইতিমধ্যে এই ছবিখনৰ বাবে অভিনেতা গৰাকীৰ অনুৰাগীসকল অতিশয় উৎসাহিত হৈ পৰিছিল। একে সময়তে এই খবৰটো চৰ্চালৈ অহাৰ পিছত অনুৰাগীৰ উত্তেজনা যেন দুগুণ বৃদ্ধি পাইছে।

ছলমান খান আৰু পূজা হেগড়ক একেলগে দেখাৰ বাবে সকলোৱে আগ্ৰহেৰে অপেক্ষা কৰি আছে। অৱশ্যে দুয়োপক্ষৰ পৰা এতিয়ালৈকে তেওঁলোকৰ সম্পৰ্ক সন্দৰ্ভত কোনো নিশ্চিতকৰণ হোৱা নাই।