সমালোচনালৈ ভয় নকৰা হ’লো মই, ঠাট্টা-মস্কৰাক পৰোৱাই নকৰোঁ; কাক উদ্দেশ্যি এই সদম্ভ উত্তৰ ছাৰা আলী খানৰ?

ডিজিটেল ডেস্ক: ছাৰা আলী খান বলীউডলৈ অহাৰ প্ৰায় ৬ বছৰ হ’ল। তেওঁৰ প্ৰথম ছবি 'কেদাৰনাথ' ২০১৮ চনত মুক্তি পাইছিল। ছবিখনত ছাৰাৰ অভিনয় প্ৰশংসিতও হৈছিল। ইয়াৰ পাছত ছাৰাই 'চিম্বা', 'লাভ আজ কাল' আৰু 'কুলি নং ১', 'আত্ৰাংগী ৰে', 'গেছ লাইট' আৰু 'জাৰা হাটকে জাৰা বাচকে'ৰ দৰে চলচ্চিত্ৰত অভিনয় কৰিছিল৷ কিন্তু 'চিম্বা'ৰ বাহিৰে তেওঁৰ সকলো চিনেমা বক্স অফিচত ফ্লপ হৈছিল। এনে পৰিস্থিতিত ছাৰাক প্ৰায়ে ট্ৰ'ল কৰা হয়। একে সময়তে, তেওঁক তেওঁৰ ফ্লপ চিনেমাৰ বাবেও তাচ্ছিল্য কৰা হয়। এতিয়া ছাৰাই এই সমালোচনা, তাচ্ছিল্যবোৰৰ প্ৰতি জনাইছে সঁহাৰি৷

‘ডি.এন.এ.’ক দিয়া এক সাক্ষাৎকাৰত ছাৰাই কয়, আপুনি ভাল পঢ়িছে আৰু আপুনি বেয়াও পঢ়িছে। আপুনি ভালটো উদযাপন কৰে আৰু বেয়াটো আপোনাৰ মনতে ৰাখে। কিন্তু এতিয়া মই সমালোচনাক একেবাৰে ভয় নকৰা হ’লো৷ মই কোলাহলৰ বাবে ভয় অনুভৱ নকৰোঁ কাৰণ মই ভালদৰে বুজি পাইছোঁ যে এইবোৰৰ কোনো গুৰুত্ব নাই৷ সকলোৰে চাবলৈ নিজা নিজা ধৰণ আছে। যিসকলে মোৰ বিষয়ে বেয়া কথা কয় তেওঁলোকৰো দৃষ্টিভংগীৰ নিজা নিজা ধৰণ আছে৷ যিয়ে মোৰ বিষয়ে বেয়া কথা কয়, মই ইয়াক সহজভাৱে লওঁ। মই ইয়াক অতি ইতিবাচকধৰণে গ্ৰহণ কৰোঁ৷ গতিকে মই সমালোচনাৰ দ্বাৰা প্ৰভাৱিত নহওঁ৷

ছাৰাই আৰু কয় যে তেওঁ এতিয়া সমালোচকসকলৰ দ্বাৰা চিন্তিত নহয়। বিগত বছৰবোৰত মই ডাঠ ছালৰ গৰাকী হৈ পৰিলোঁ আৰু মই ভাবো এগৰাকী অভিনেতা হিচাপে এনে হ'বই লাগিব। মই সকলো ইতিবাচকভাৱে আৰু আমোদজনকভাৱে লওঁ৷ মই আনৰো কাম চাবলৈ ভাল পাওঁ, কাৰণ মই তেওঁলোকৰ পৰাও কিবা নহয় কিবা শিকিছোঁ।