শ্বাহৰুখ খানক হত্যাৰ ভাবুকি : ‘তেওঁ প্ৰকৃত মুছলমান নহয়, তেওঁক গুলীয়াই হত্যা কৰা হওক'

ছবিখন মুক্তিৰ প্ৰথম দিনাই প্ৰায় স্পষ্ট হৈছিল যে অহা কেইসপ্তাহমানৰ বাবে তেওঁ বক্স অফিচত শাসন কৰিব পাঠানে। শ্বাহৰুখৰ মেজিকে বলীউডৰ সোণালী দিনবোৰ ঘূৰাই আনিব বুলি আকৌ এবাৰ প্ৰমাণ কৰিলে কিং খানে।  খবৰ অনুসৰি দৰ্শকৰ অনুৰোধত সমগ্ৰ দেশতে তিনিশ শ্ব’ সম্প্ৰসাৰণ কৰা হৈছে। ‘পাঠান’ৰ উন্মাদনা ইমানেই তীব্ৰ যে পুৱা ৭ বজাৰ পৰা শ্ব’ৰ সময় আৰম্ভ হয় আৰু নিশা ১২ বজালৈহে শেষ হয়। মুঠৰ ওপৰত স্পষ্ট যে পাঠানে দৰ্শকৰ মনত এক বৃহৎ স্থান দখল কৰিছে।

 বক্স অফিচৰ প্ৰতিবেদন অনুসৰি বুধবাৰে সন্ধিয়া ৫ বজালৈকে সমগ্ৰ দেশতে পাঠানৰ আয় ৪৫ৰ পৰা ৫০ কোটি টকা। আনহাতে, ছবিখনৰ তেলেগু আৰু তামিল সংস্কৰণেও দক্ষিণ ভাৰতত ভাল কাম কৰি আছে। হিচাপ অনুসৰি এই দুটা ভাষাত পাঠানৰ ১ৰ পৰা ৩ কোটি টকা আছে।

পাঠানে বক্স অফিচত ধুমুহাৰ সৃষ্টি কৰিলে। অভিলেখৰ এডভান্স বুকিঙৰ ইংগিত পোৱা গৈছে। আৰু সেইবাবেই শ্বাহৰুখ খানৰ কামবেক ছবিখনে ৰণবীৰ-আলিয়াৰ ‘ব্ৰহ্মাস্ত্ৰ’ক সহজেই পৰাস্ত কৰিব পাৰে বুলি চলচ্চিত্ৰ বিশেষজ্ঞসকলে মত আগবঢ়াইছে।

কিছুদিন পূৰ্বে বজৰং দলে ছবিখন গুজৰাটত মুক্তি নিদিয়াৰ হুংকাৰ দিছিল। এই উগ্ৰপন্থী গোটৰ সদস্যই ছবিখনৰ প্ৰদৰ্শন বন্ধ কৰিবলৈ গুৱাহাটীৰ এটা চিনেমা হলত ধুমুহাৰ সৃষ্টি কৰে। ইয়াৰ পূৰ্বেও ছবিখনৰ ‘বেশৰম গীত’ক লৈ আপত্তি উত্থাপন হৈছিল। অভিনেত্ৰী দীপিকা পাডুকনৰ সাজ-পোছাককো তীব্ৰ সমালোচনাৰ সন্মুখীন হৈছে। ট্ৰেণ্ডিং হৈছিল ‘বয়কট পাঠান’ হেচটেগ। কিন্তু শ্বাহৰুখৰ কামবেক ছবিখন মুক্তি পোৱাৰ পিছত বিতৰ্কৰ ৰং সম্পূৰ্ণৰূপে ম্লান হৈ পৰিল। শেহতীয়াকৈ বৃহস্পতিবাৰে মুম্বাইৰ মৌলবী ৰহমানে শ্বাহৰুখক দিয়া হত্যাৰ ভাবুকিয়ে পৰৱৰ্তী সময়ত কি ৰূপ ধাৰণ কৰে সেয়া বৰ্তমান লক্ষ্যনীয়।