শ্বুটিঙৰ সময়ত নাকত আঘাত পাই ৰক্তক্ষৰণ শ্বাহৰুখ খানৰ! কৰা হ’ল অস্ত্ৰোপচাৰ

শ্বুটিঙৰ সময়ত শ্বাহৰুখ খানে নাকত আঘাত পোৱাৰ ফলত তেজ ওলাবলৈ আৰম্ভ কৰে। চিকিৎসকে অস্ত্ৰোপচাৰ কৰি ৰক্তক্ষৰণ বন্ধ কৰিব লগা হৈছিল। ‘টাইমছ অৱ ইণ্ডিয়া’ত প্ৰকাশিত এক বাতৰি অনুসৰি শ্বাহৰুখ এটা প্ৰজেক্টৰ শ্বুটিংৰ বাবে লছ এঞ্জেলছত আছিল, তাতে এই ঘটনা সংঘটিত হয়। অভিনেতাজনৰ অস্ত্ৰোপচাৰ কৰা হৈছিল আৰু এতিয়া তেওঁৰ নাকত বেণ্ডেজ লগোৱা হৈছে। চিকিৎসকসকলে তেওঁৰ দলটোক কয় যে চিন্তাৰ কোনো কাৰণ নাই আৰু সেয়া সামান্য আঘাত।

শ্বাহৰুখ এতিয়া ভাৰতলৈ ঘূৰি আহিছে আৰু নিজৰ ঘৰ মন্নতত জিৰণি লৈছে। বলীউডৰ ছুপাৰষ্টাৰ শ্বাহৰুখ খানে একেলগে কেইবাখনো ছবিৰ কাম কৰি আছে, আৰু অভিনেতাগৰাকীয়ে কামৰ বাবে বহু ঠাইলৈ যাবলৈ আৰম্ভ কৰিছে।