ডিজিটেল ডেস্কঃ শ্বাহৰুখ খানে চলিত বৰ্ষৰ আৰম্ভণিতে হিট ছবি ‘পাথান’ দি তাৰপাছত ‘জোৱান’ৰ দৰে বাম্পাৰ হিট ছবি দৰ্শকক উপহাৰ দিয়ে। এই সফলতাত কেৱল শ্বাহৰুখ খানেই নহয় তেওঁৰ সমগ্ৰ পৰিয়াল সুখী। এনে সময়তে শ্বাহৰুখ খানৰ সমগ্ৰ পৰিয়ালৰ সৈতে এখন ফটো ভাইৰেল হৈছে য’ত তেওঁৰ অনুৰাগীয়ে মৰমেৰে উপচাই দিছে। এটা ফ্ৰেমত দেখা গৈছে গোটেই পৰিয়ালটো।
এই নতুন পাৰিবাৰিক ফটোখনত শ্বাহৰুখ খানে পিন্ধিছে নীলা ৰঙৰ লুজ জেকেটৰ সৈতে ক'লা ৰঙৰ জিন্স, গৌৰীয়ে পিন্ধিছে ডেনিম জিন্সৰ সৈতে বগা ক্ৰপ টপ, আৰিয়ান খানে পিন্ধিছে ৰঙা ৰঙৰ হুডি জেকেটৰ সৈতে ক'লা জিন্স, অব্ৰামে পিন্ধিছে ক'লা ৰঙৰ জেকেট।সুহানা খানে পিন্ধিছে ডেনিম চাৰ্ট।
এই ফটোখনত বাকী সকলোৱে কেমেৰাৰ সন্মুখত পোজ দিয়া দেখা গৈছে যদিও সুহানাই নিজৰ দেউতাক শ্বাহৰুখ খানক মৰমৰ চুমা দিয়া দেখা গৈছে। এই মৰমলগা ফটোখনত দেখা শ্বাহৰুখৰ মৰমৰ কন্যাই অতি সোনকালে বলীউডত আত্মপ্ৰকাশ কৰিবলৈ ওলাইছে। এই ছবিখনত চুহানাই ডেনিম শ্বৰ্টৰ সৈতে ডেনিম জেকেট পিন্ধিছে যিটো সন্মুখৰ ফালৰ পৰা খোলা আছে। ইয়াৰ ভিতৰত চুহানাই পিন্ধিছে বগা ৰঙৰ ক্ৰপ টপ।
এইবাৰ শ্বাহৰুখ খানে দুখন ছুপাৰহিট ছবি দিছে আৰু অতি সোনকালে তৃতীয়খন ছবি ‘ডংকি’ এই বছৰৰ শেষত অৰ্থাৎ ২২ ডিচেম্বৰত মুক্তি পাব। এই ছবিখনৰ পৰিচালনা কৰিছে ৰাজকুমাৰ হিৰাণীয়ে। ছবিখনক লৈ বহু প্ৰত্যাশাৰ সৃষ্টি হৈছে। যাৰ আঁৰৰ কাৰণ হ’ল ৰাইজৰ মাজত শ্বাহৰুখ খানৰ উন্মাদনা আৰু দুখন ছুপাৰহিট ছবি বেক টু বেক দিয়া। অৱশ্যে শ্বাহৰুখ খানৰ ‘ডংকি’ ছবিখনে প্ৰভাসৰ ‘ছালাৰ’ৰ সৈতে প্ৰতিযোগিতাত অৱতীৰ্ণ হ’ব। এইখনো ২২ ডিচেম্বৰত মুক্তি পাব।
Leave A Comment