"অন্ধ-পাগল" জীৱন সংগীৰ সন্ধানত মোহময়ী অভিনেত্ৰী ছাৰা আলী খান

শেহতীয়াকৈ ছাৰা আলী খানে তেওঁৰ আগন্তুক ছবি 'গেছলাইট'ৰ প্ৰচাৰৰ বাবে 'বিগ বছ' খ্যাতি শ্বেহনাজ গিলৰ 'দেশী ভাইবছ উইথ শ্বেহনাজ গিল'ত অংশগ্ৰহণ কৰিছিল। এই সময়ত শ্বাহনাজে ছাৰা আলী খানৰ বিয়াৰ পৰিকল্পনাৰ বিষয়ে সুধিছিল। এই কথাত অভিনেত্ৰীগৰাকীয়ে এটা ধেমেলীয়া উত্তৰ দিলে।

শ্বাহনাজ গিলে ছাৰা আলী খানক সুধিলে যে,তেওঁৰ বিয়াৰ পৰিকল্পনা কি? এই কথাত অভিনেত্ৰীগৰাকীয়ে ক’লে, “এতিয়াই নহয়।” কোনোবা অন্ধ পাগল বিচাৰিব লাগিব, যিয়ে মোক বিয়া কৰাব পাৰে। বৰ্তমান মই এইখিনিৰহে সন্ধানত।"

শ্বাহনাজে ছাৰাক সুধিলে অন্ধ পাগল কিয়? এই কথাত ছাৰাই ক’লে, “মই ভাবো যে এজন অন্ধ পাগলৰ প্ৰয়োজন হ’ব, কাৰণ যদি তেওঁৰ মগজু আছে আৰু জানে, মোক চিনি পাব, তেন্তে তেওঁ পলাই নাযায়। মোক সহ্য কৰিব পৰা কোনোবা লাগে।"

শ্বাহনাজে লগতে কয় যে ছাৰাও ঠিক তাইৰ দৰেই।২০২৩ চনৰ ৩১ মাৰ্চত হটষ্টাৰত মুক্তি লাভ কৰিছে ছাৰা আলী খানৰ ‘গেছলাইট’। ছাৰাৰ উপৰিও ছবিখনত মুখ্য চৰিত্ৰত অভিনয় কৰিছে চিত্ৰংগদা সিং আৰু বিক্ৰান্ত মেছীয়ে। ‘গেছলাইট’ৰ উপৰিও ছাৰাক ‘জাৰা হাটকে জাৰা বাচকে’, ‘এ ৱাটান মেৰে ৱাটান’ আৰু ‘মেট্ৰ’ ইন ডিনন’ৰ দৰে ছবিত দেখা যাব।