এনেকৈ অহাতকৈ আহিবই নালাগে! ৰাজস্থানৰ মুখ্যমন্ত্ৰীৰ ওপৰত খং উঠিল চনু নিগমৰ

তেওঁ এটা ভিডিঅ’ শ্বেয়াৰ কৰি একাংশ ৰাজনীতিবিদক এক বিশেষ অনুৰোধ কৰিছে। তেওঁ কয় যে শেহতীয়াকৈ ৰাজস্থানৰৰ জয়পুৰৰ চনু নিগমৰ কনচাৰ্টত মুখ্যমন্ত্ৰী ভজন লাল শৰ্মাই শ্ব’ চলি থাকোতেই তাৰ পৰা গুচি গৈছিল আৰু চনু নিগমে সেই কথা ভাল নাপালে। তেওঁ অনুৰোধ জনায় যে যদি তেওঁ মাজতে শ্ব’ এৰিবলগীয়া হয় তেন্তে তেওঁ শ্ব’টোত একেবাৰেই উপস্থিত থকা উচিত নহয়।

ভিডিঅ’টোত চনু নিগমে কৈছিল- ‘ৰাজস্থানৰ জয়পুৰত মোৰ শ্ব’ আছিল। বৰ ভাল আছিল, বহুত ভাল মানুহ আহিছিল। ৰাজস্থানৰ গৌৰৱ বৃদ্ধিৰ বাবে চুক-কোণৰ ​​পৰা প্ৰতিনিধি আহিছিল।ৰাজস্থানৰ মুখ্যমন্ত্ৰীৰ লগতে ক্ৰীড়া মন্ত্ৰীও আছিল। বহুত মানুহ আছিল অনুষ্ঠানটোত। আন্ধাৰত সকলোকে দেখাও নাপালোঁ, মানুহ বেছি আছিল। কিন্তু শ্ব’টোৰ মাজতে দেখা পালোঁ মুখ্যমন্ত্ৰী ছাৰ আৰু আন মানুহবোৰ উঠি গুচি গ’ল। তেওঁ যোৱাৰ লগে লগে সকলো প্ৰতিনিধিও গুচি গ’ল।

চনুৱে লগতে কয়- 'সকলোকে অনুৰোধ জনালোঁ যে আপোনালোকে যদি শিল্পীক সন্মান নকৰে তেন্তে বাহিৰৰ মানুহে কি সন্মান কৰিব।' আমেৰিকাত যেতিয়া কোনোবাই অনুষ্ঠান পৰিৱেশন কৰি থাকে তেতিয়া তাত থকা ৰাষ্ট্ৰপতিগৰাকী হঠাতে উঠি গুচি যোৱা কেতিয়াও দেখা পোৱা নাই। তেওঁ কোনো কথা কৈ যাব বা ইংগিত দি যাব। যদি আপোনালোকে উঠি যাবই লাগে, তেন্তে হয় নাহিব নহয় শ্ব’ আৰম্ভ হোৱাৰ আগতেই গুচি যাব।

আৰু চনুৱে কয়- ‘যিকোনো শিল্পীৰ অনুষ্ঠান চলি থকাৰ মাজতে উঠি গুচি যোৱাটো সৰস্বতীৰ অপমান। চনু নিগমে ভিডিঅ'টোৰ কেপচনত লিখিছে - ভাৰতৰ সকলো ৰাজনীতিবিদকে অনুৰোধ কৰিলো যে কোনো শিল্পীৰ অনুষ্ঠানত উপস্থিত নাথাকিব যদিহে মাজতে এনেকৈ উঠি যাবলগীয়া হয়। এয়া শিল্প, শিল্পী আৰু মা সৰস্বতীৰ প্ৰতি অসন্মান।