প্ৰযোজকৰ বিৰুদ্ধে যৌন নিৰ্যাতনৰ অভিযোগ তুলিলে 'তাৰক মেহতা কা উলটা চশমা'ৰ অভিনেত্ৰীয়ে , কাষ চাপিল আৰক্ষীৰ

জেনিফাৰে কয় , "মই মোৰ বিবাহ বাৰ্ষিকীৰ বাবে আগতীয়াকৈ বন্ধ বিচাৰিছো। মই তেওঁক বিৰতি দিবলৈ কৈছিলো৷। কিন্তু মোক বিৰতি দিয়া হোৱা নাছিল। ইয়াৰ পৰিৱৰ্তে, আন অভিনেতাসকলক ছুটি দিয়া হৈছিল।’’জেনিফাৰে প্ৰযোজক মোডীয়ে তেওঁক যৌন নিৰ্যাতন চলোৱা বুলিও গুৰুতৰ অভিযোগ উত্থাপন কৰে৷ অভিনেত্ৰীগৰাকীয়ে প্ৰযোজক মোডীৰ বিৰুদ্ধে আৰক্ষীৰ কাষ চপা বুলিও জানিব পৰা গৈছে৷ 

প্ৰযোজক অসিত মোডীয়েও জেনিফাৰৰ অভিযোগৰ বিৰুদ্ধে মাত মাতিছে। তেওঁ কয়, "জেনিফাৰে উত্থাপন কৰা সকলো অভিযোগৰ বাবে আমি তেওঁৰ বিৰুদ্ধে কঠোৰ আইনী ব্যৱস্থা গ্ৰহণ কৰিম।" মোক বদনাম কৰাৰ এয়া এটা প্ৰয়াস।