গুৱাহাটী ইডি কাৰ্যালয়ত জেৰা অভিনেত্ৰী তামান্না ভাটিয়া

AS12 BC6327 নম্বৰৰ এখন বাণিজ্যিক বাহনত আহিছে অভিনেত্ৰীগৰাকী ৷ পিতৃ-মাতৃৰ সৈতে আহিছে তেওঁ  গুৱাহাটীলৈ ৷নিশা 9 বজালৈকে ইডিয়ে তেওঁক ধাৰাবাহিক জেৰা চলায় ৷ তেওঁৰ মাতৃক  ইডিৰ কাৰ্যালয়ৰ চৌহদত এখন বাহনত বহি থকা দেখা যায় দীৰ্ঘসময় ধৰি ৷ আৰু তেওঁৰ পিতৃ কাৰ্যালয়ত তেওঁৰ সৈতে উপস্থিত থাকে ৷ ইডিৰ কাৰ্যালয়ৰ পৰা ওলোৱাৰ পিছত পিতৃ-মাতৃসহ অভিনেত্ৰীগৰাকী ৰাওনা হয় হোটেল ৰেডিছন ব্লুলৈ ৷

উল্লেখ্য যে পূৰ্বেও কেইবাবাৰো মহাৰাষ্ট্ৰ ইডিয়ে চমন দিছিল তামান্নাক । কিন্তু ইডিয়ে গুৱাহাটীলে তেওঁক কিয় মাতিলে সেয়া ইডিৰ তৰফৰ পৰা স্পষ্ট নকৰিলেও সন্দেহ কৰা হৈছে যে মহাৰাষ্ট্ৰৰ গোচৰৰ সংক্ৰান্ততে তেওঁক গুৱাহাটীত সোধা-পোছা কৰিছে ইডিয়ে ৷ মহাদেৱ বেটিং এপৰ প্ৰমোচন সন্দৰ্ভত তামান্নাক গুৱাহাটীৰ কাৰ্যালয়লৈ চমন দিয়া হৈছে বুলি সন্দেহ কৰা হৈছে যদিও ই ডিয়ে এই পৰ্যন্ত একো কথাই সদৰী কৰা নাই ৷