তামান্না ভাটিয়া আৰু বিজয় বাৰ্মাৰ প্ৰেমত বিচ্ছেদ

এই প্ৰেমিক দম্পতীৰ বিচ্ছেদ ঘটিছে বুলি তীব্ৰ চৰ্চা আৰম্ভ হৈছে। অৱশ্যে এই বিচ্ছেদক ​​লৈ দুয়োজনেই মৌনতা অৱলম্বন কৰিছে। এই খবৰটো শুনি তেওঁলোকৰ অনুৰাগীসকল অতিশয় দুখী হৈ পৰিছে, কাৰণ অনুৰাগীসকলে আগ্ৰহেৰে তামান্না আৰু বিজয়ৰ বিবাহৰ বাবে অপেক্ষা কৰি আছিল। যেতিয়াই এওঁলোকক ক’ৰবাত দেখা গৈছিল তেতিয়াই অনুৰাগীয়ে তেওঁলোকৰ বিয়াৰ পৰিকল্পনাৰ বিষয়ে সুধিছিল। এক খবৰ অনুসৰি কেইসপ্তাহমান আগতে তামান্না আৰু বিজয়ৰ মাজত বিচ্ছেদ ঘটিছিল যদিও তেওঁলোক এতিয়াও ভাল বন্ধু হৈয়েই আছে। দুয়োজনে নিজৰ কামত মনোনিৱেশ কৰিব আৰু কঠোৰ পৰিশ্ৰম কৰিব।

ছ’চিয়েল মিডিয়া প্লেটফৰ্মত এতিয়া তামান্না ভাটিয়া আৰু বিজয় বাৰ্মাৰ একেলগে কোনো ছবি নাই। ফটো সমূহ ডিলিট হোৱাৰ পিছৰে পৰা এই ব্ৰেকআপৰ খবৰে শিৰোনাম দখল কৰিছে। 

শেহতীয়াকৈ প্ৰয়াগৰাজ মহাকুম্ভলৈ গৈছিল তমন্না ভাটিয়া। এই সময়ছোৱাত তেওঁক অকলে দেখা গ’ল। ২০২৩ চনত ‘লাষ্ট ষ্ট’ৰীছ ২’ত দুয়ো দুয়োৰে কাষ চাপিছিল। ইয়াৰ লগে লগে তেওঁলোকৰ সম্পৰ্ক আৰম্ভ হ’ল। এই যুটিটোক সকলোৱে পচন্দ কৰিছিল এতিয়া তেওঁলোকৰ বিচ্ছেদৰ বাতৰি বিয়পি পৰাৰ লগে লগে অনুৰাগীসকল দুখত ভাগি পৰিছে।