বহু দৰ্শকৰ চকুত ধৰা পৰি গ’ল 'পাঠান'ৰ চিত্ৰনাট্যত থকা তিনিটা ভুল , কি ভুল?

একচন দৃশ্য আৰু কাহিনীৰ এই মৌলিক ভুলবোৰ 'পাঠান'ৰ মুক্তিৰ পিছত ধৰা পৰিছে।'পাঠান'ৰ এটা দৃশ্যত শ্বাহৰুখে দীপিকাক আফগানিস্তানৰ কাহিনী কৈ আছিল। তেওঁ কৈছিল যে তেওঁ ২০০২ চনত আফগানিস্তানত কাম কৰি আছিল। সেই সময়ত, ম'বাইলৰ জিপিএছ অৱস্থান ব্যৱহাৰ কৰি তেওঁ এখন আফগান গাঁৱক ভয়ংকৰ মিছাইলৰ পৰা ৰক্ষা কৰিছিল।

কিন্তু নেটিজেনসকলে ইয়াত  ভুল বিচাৰি পাইছে। কাৰণ ২০০৮ চনতহে  স্মাৰ্টফোনত জিপিএছ অৱস্থান প্ৰৱৰ্তন কৰা হৈছিল। সেয়েহে, ২০০২ চনত আফগানিস্তানত স্মাৰ্টফোন ব্যৱহাৰ কৰি মিছাইলৰ পৰা ৰক্ষা কৰাটো সম্ভৱ নাছিল।

চলচ্চিত্ৰখনৰ দ্বিতীয় ভুলটো হৈছে ৰে’লৰ একচন দৃশ্য এটা । ৰে’লখনত ৰখা এটা বোমাৰ বিস্ফোৰণ হৈছিল আৰু গোটেই কোঠাটো উৰি গৈছিল। শ্বাহৰুখ তাতেই আছিল। তেওঁ ৰে’লখনত ধাতুৰ টুকুৰাএটাৰে নিজকে ৰক্ষা কৰিছিল।শ্বাহৰুখে ধাতুৰ টুকুৰা এটা কবচ হিচাপে ব্যৱহাৰ কৰি মূৰটো ঢাকি ৰাখিছিল। দেখা গৈছে যে বোমাটো বিস্ফোৰণৰ ফলত  গোটেই কোঠাটো উৰি গৈছিল, কিন্তু ৰেলখনৰ ধাতুৰ টুকুৰাটোৰ একো  হোৱা নাছিল। নায়কৰ শৰীৰতো আঘাত কৰাপোৱা নাছিল। বহুলোকে এই দৃশ্যটোৰ বাস্তৱতা বিচাৰি  পোৱা নাই৷

 

তৃতীয় ভুলটো লক্ষণীয়। এই ভুলটো কিছুমানে আনকি চিনেমা হলত বহিও লক্ষ্য কৰিব পাৰে। ভুলটো হেলিকপ্টাৰৰ একচন দৃশ্যত আছে।

শ্বাহৰুখ আৰু দীপিকাই ৰাছিয়াৰ দুটা উচ্চ-সুৰক্ষা বহুমহলীয়া অট্টালিকাৰ পৰা এটা গুৰুত্বপূৰ্ণ তলা আৰু চাবি চুৰি কৰাৰ পৰিকল্পনা কৰিছিল। কোৱা হৈছিল যে দুয়োটা বহুমহলীয়া ঘৰ  ইটোৱে সিটোৰ  বিপৰীত ফালে অৱস্থিত।শ্বাহৰুখ আৰু দীপিকা পৃথকে দুটা মহলালৈ গৈছিল আৰু পৰিকল্পনা অনুসৰি প্ৰয়োজনীয় সামগ্ৰী চুৰি কৰিছিল। কিন্তু পৰৱৰ্তী দৃশ্যত যথেষ্ট বিভ্ৰান্তি হৈছিল।

শ্বাহৰুখ আৰু দীপিকাই বিপৰীত দিশত থকা  বহুমহলীয়া ভৱনৰ পৰা হেলিকপ্টাৰেৰে মুখ্য গন্তব্যস্থানত উপনীত হোৱাৰ পৰিকল্পনা কৰিছিল। সেই অনুসৰি বিপৰীত দিশৰ পৰা হেলিকপ্টাৰ এটা কেন্দ্ৰীয় স্থানত উপস্থিত হোৱাৰ কথা আছিল।কিন্তু দেখা গৈছে যে শ্বাহৰুখ আৰু দীপিকাৰ হেলিকপ্টাৰ একে দিশত গৈ আছে। এয়া  কেনেকৈ সম্ভৱ হ’ল  সেয়া বহুলোকে বুজি পোৱা নাছিল।বহুতে ভুলবোৰৰ বাবে 'পাঠান'ৰ পৰিচালক সিদ্ধাৰ্থ আনন্দক দোষাৰোপ কৰিছে। বহুলোকে ইতিমধ্যে এই  ছবি খনক 'অবাস্তৱ', 'অযৌক্তিক' ইত্যাদি বুলিও অভিহিত কৰিছে।