তুনিশা শৰ্মাৰ পাছত কোন হ’ব আলী বাবাৰ ‘মৰিয়াম’? এই অভিনেত্ৰীগৰাকীৰ নামত লাগিছে মোহৰ

শ্বীজান খানৰ চৰিত্ৰত অভিনয় কৰিবলৈ অভিষেক নিগমৰ নাম চৰ্চালৈ আহিছে। আনহাতে, শেহতীয়া খবৰ অনুসৰি তুনিশাৰ ঠাইত ৰাজকুমাৰী মৰিয়মৰ চৰিত্ৰত অভিনয় কৰিবলৈ অৱনীত কৌৰৰ নাম চৰ্চালৈ আহিছে।

অৱনীত কৌৰে ৰাজকুমাৰী মৰিয়মৰ চৰিত্ৰত অভিনয় কৰাৰ কথা চৰ্চা চলিছে যদিও এই সন্দৰ্ভত কোনো আনুষ্ঠানিক বিবৃতি প্ৰকাশ কৰা হোৱা নাই। উল্লেখ্য যে, প্ৰয়াত অভিনেত্ৰী তুনিশা শৰ্মাৰ বেষ্ট ফ্ৰেণ্ড হয় অৱনীত কৌৰ। তুনিশাৰ মৃত্যুত অৱনীত শোকত ভাগি পৰিছিল।

দীৰ্ঘদিন ধৰি টিভি উদ্যোগৰ গছিপ কৰিডৰত চৰ্চা চলি আহিছে যে এই বিপদৰ পাছত ‘আলী বাবা’ৰ ধাৰাবাহিকখনত নতুন মুখ্য অভিনেতা-অভিনেত্ৰী হিচাপে কাক দেখা যাব। বৰ্তমান ‘আলি বাবা: দস্তান-ই-কাবুল’ৰ চেটটোও সলনি কৰা হৈছে। জানিব পৰা মতে প্ৰথমে পুলিচে পুৰণি চেটটোৰ ওপৰত ব্যৱস্থা গ্ৰহণ কৰিব। তাৰপাছত পূজা-পাতল কৰাৰ পাছতহে সেই ঠাইত পুনৰ শ্বুটিং আৰম্ভ হ’ব।