তুনিশা প্ৰতাৰণাৰ বলি হৈছিল! তুনিশা শৰ্মাৰ আত্মহত্যাক লৈ খুড়াকে খুলিছে মুখ

তুনিশাৰ মাতৃয়ে শ্বীজানৰ বিৰুদ্ধে এজাহাৰ দাখিল কৰাৰ পাছত অধিক তদন্তৰ বাবে আৰক্ষীয়ে অভিনেতাজনক জিম্মাত লৈছে। বহুতে অনুমান কৰিছিল যে অভিনেত্ৰীগৰাকী হয়তো মৃত্যুৰ সময়ত গৰ্ভৱতী আছিল। মৰণোত্তৰ পৰীক্ষাৰৰ প্ৰতিবেদনত তুনিশা শৰ্মা গৰ্ভৱতী আছিল কৰা ধাৰণা ভুল প্ৰমাণিত হৈছে৷

এই সন্দৰ্ভত তুনিশাৰ খুড়াকে মুখ খুলিছে। তেওঁ কয়, "লকডাউনৰ সময়ছোৱাত তুনিশা মোৰ লগত প্ৰায় ডেৰ বছৰ থাকিছিল আৰু লগত মোৰ ছোৱালীজনীও আছিল। আমি বহুত ঘনিষ্ঠ আছিলো আৰু কেইবাবাৰো ফোনত কথা পাতিছিলো, কিন্তু তেওঁৰ লগত ঘটা ঘটনাবোৰৰ বিষয়ে মই অৱগত নাছিলো।" তুনিশাৰ ঘনিষ্ঠ বন্ধুসকলৰ পৰা জানিব পাৰিছো যে তাই কিছুদিন ধৰি মানসিক চাপত আছিল। তুনিশা প্ৰতাৰণাৰ বলি হৈছিল। এই প্ৰতাৰণাৰ বিষয়ে মাতৃ আৰু এজন ডাক্তৰক জনাইছিল তুনিশাই। মই কাকো দোষ দিব নিবিচাৰো। মই নিশ্চিত যে আৰক্ষীয়ে তদন্ত কৰি আছে আৰু এই বিষয়ত যিয়েই দায়ী তেওঁক শাস্তি দিয়া উচিত।"

শ্বীজানৰ কথা সুধোতে খুড়াকে কয়, "এই বিষয়ত মই বেছি একো ক'ব নোৱাৰো। তেওঁক জেৰা কৰা হৈছে। তেওঁৰ ফোনটো আৰক্ষীৰ দলৰ লগত আছে আৰু আশাকৰোঁ তেওঁলোকে সত্যটো সোনকালে আমাক জনাব।"

তেওঁ লগতে কয়, "তুনিশাৰ মাতৃ এই ঘটনাকলৈ ভাঙি পৰিছে। তেওঁ ঔষধ খাই আছে আৰু আমি যি কৰিব পাৰো আৰু কৰি আছো।"