২০ বছৰ বয়সত আত্মহত্যা! ১৫ কোটি টকাৰ সম্পত্তি মাতৃৰ বাবে এৰি থৈ গ’ল তুনিশা শৰ্মাই

১৩ বছৰ বয়সৰ পৰাই কাম কৰি অহা প্ৰয়াত অভিনেত্ৰীগৰাকীয়ে নিজৰ কষ্টৰ উত্তৰাধিকাৰ এৰি থৈ যায় ১৫ কোটি টকাৰ সম্পত্তিৰ ৰূপত, য’ত ভয়ান্দৰ (পূব)ৰ এটা এপাৰ্টমেণ্টকে ধৰি সকলো এতিয়া মাতৃৰ হাতলৈ যাব। মৃত্যুৰ শেষ মুহূৰ্তলৈকে অতি ব্যস্ত আছিল তুনিশা। তেওঁ কেইবাটাও টিভি শ্ব’, চিনেমা আৰু মিউজিক ভিডিঅ’ত কাম কৰিছিল, যিয়ে তেওঁক স্বতন্ত্ৰভাৱে ধনী হোৱাত সহায় কৰিছিল। 

মুম্বাইত মঙলবাৰে সম্পন্ন হোৱা তেওঁৰ অন্ত্যেষ্টিক্ৰিয়াত কেইবাগৰাকীও টেলিভিছনৰ চেলিব্ৰিটি আৰু তেওঁৰ প্ৰাক্তন প্ৰেমিক তথা ‘আলী বাবা: দস্তান-ই-কাবুল’ৰ সহ অভিনেতা শ্বীজান খানৰ মাতৃ আৰু ভগ্নীয়েও অংশগ্ৰহণ কৰে।  

আত্মহত্যা কৰাৰ ১৫ দিন পূৰ্বে শ্বীজান আৰু তুনিশাৰ ব্ৰেকআপ হৈছিল। ব্ৰেকআপৰ পাছত দুখত ভাগি পৰিছিল তুনিশা। সেইবাবেই তেওঁ আত্মহত্যাৰ পথ বাচি লয়।