নিৰ্মাণ হ’ব মেছিৰ বায়’পিক! মেছিৰ চৰিত্ৰত নেটিজেনে বিচাৰিছে অক্ষয় কুমাৰক

মেছি আৰু আৰ্জেণ্টিনাৰ দলটোৱে  বিশ্বকাপ ট্ৰফী দখল কৰাৰ ঠিক পিছতে আৰ্জেণ্টিনাৰ ৰঙত অক্ষয়ৰ ফটো অনলাইনত বিয়পি পৰিছে।  অক্ষয় কুমাৰ হৈছে বলীউডৰ এজন অভিনেতা যিয়ে বহুতৰে বাস্তৱ জীৱনৰ চৰিত্ৰত অভিনয় কৰিছে।  সেয়েহে তেওঁ বি-টাউনত বায়’পিকৰ ৰজা হিচাবেই জনাজাত। কিংবদন্তী ফুটবল খেলুৱৈ লিয়’নেল মেছিৰ দলে  ফাইনেলত ফ্ৰান্সৰ বিৰুদ্ধে জয়লাভ কৰি ফিফা বিশ্বকাপ ফাইনেলত ইতিহাস সৃষ্টি কৰাৰ পিছত টুইটাৰ ব্যৱহাৰকাৰীসকলৰ বহুতে বলীউডৰ অবিনেতাগৰাকীয়ে মেছিৰ বায়’পিকত অভিনয় কৰিব লাগে বুলি সজোৰে দাবী উত্থাপন কৰিছে। 

এজন নেটিজেনেতো লিখিয়েই পেলাইছে  "অক্ষয় কুমাৰে মেছিৰ জীৱনীমূলক ছবিত মেছিৰ চৰিত্ৰত অভিনয় কৰিব।" এজন টুইটাৰ ব্যৱহাৰকাৰীয়ে লিখিছে, "অক্ষয় ইতিমধ্যে তেওঁৰ পৰৱৰ্তী চলচ্চিত্ৰৰ বাবে সাজু হৈছে। "লিঅনেল মেছি: দ্য লেজেণ্ড অৱ আৰ্জেণ্টিনা বায়োপিক ইনকামিং! য’ত তেওঁ নিজেই মেছিৰ চৰিত্ৰত অভিনয় কৰিব" । এনে ধেমালিৰ পিছতো অৱশ্যে অভিনেতাগৰাকীয়ে এতিয়ালৈকে বিষয়টো সন্দৰ্ভত একো কোৱা নাই। 

ইয়াৰ আগতে অভিনেতাজনে এয়াৰলিফ্ট, পেড মেন আৰু মিছন মংগলকে ধৰি কেইবাখনো বায়োপিকত কাম কৰিছিল।শেহতীয়াকৈ তেওঁ খনি অভিযন্তা চৰ্দাৰ যশৱন্ত সিং গিলৰ চৰিত্ৰত   জীৱনীমূলক ছবিত অবিনয় কৰিছে। ইয়াৰ উপৰি  তেওঁ   চলচ্চিত্   গোৰ্খাত ভাৰতীয় সেনাৰ গোৰ্খা ৰেজিমেণ্টৰ এজন কিংবদন্তি বিষয়া মেজৰ জেনেৰেল ইয়ান কাৰ্ডোজোৰ চৰিত্ৰত অভিনয় কৰাৰ বাবেও চুক্তিবদ্ধ হয়।