কেটৰিনাৰ এটা বিশেষ গুণে আকৰ্ষণ কৰে বিকিক, কি গুণ?

এনে  লাগে যেন বিকি-কেটৰ বিয়াৰ  এবছৰৰ হোৱা নাই, তেওঁলোকে নতুনকৈহে যেন বিবাহ পাশত আৱদ্ধ হৈছে। বিবাহবাৰ্ষিকীত অভিনেতাজনে তেওঁৰ পত্নী কেটৰ  প্ৰশংসা কৰিছে। 

বিকিয়ে সৰ্বভাৰতীয় সংবাদ মাধ্যমক কয় যে তেওঁ এই জীৱনত কেটৰিনাৰ দৰে ব্যক্তিক কেতিয়াও দেখা নাই। তেওঁৰ পত্নীৰ কিছুমান গুণ আছে যাক প্ৰশংসা নকৰাকৈ থাকিব  নোৱাৰি। "কেটৰিনাই সদায় কয় যদি আপুনি এজন ব্যক্তিক কিবা ভাল কথা ক'ব নোৱাৰে, তেন্তে মনে মনে থকাই ভাল। কেটৰিনা যথেষ্ট  বুদ্ধিমান। তেওঁ জানে কেনেকৈ তেওঁৰ চাৰিওফালৰ লোকসকলক সন্মান কৰিব লাগে। ''

 প্ৰথম বাৰৰ বাবে নহয়, আগতেও বহু সাক্ষাৎকাৰত, বিকিয়ে কৈছিল যে কেটৰিনাৰ দৰে কোনো ব্যক্তি হ’ব নোৱাৰে বুলি কৈছিল। কেটে অভিনেতাজনৰ জীৱন সলনি কৰি পেলাইছে । কেটৰিনাও বিকিক পাই সুখী। তেওঁলোকৰ বিবাহ বলীউডৰ আটাইতকৈ সফল প্ৰেমৰ উদাহৰণ হৈ পৰিছে।

আৰম্ভণিতে, বিকি আৰু কেটৰিনা ইজনে সিজনৰ বাবে সম্পূৰ্ণৰূপে অপৰিচিত আছিল। তেওঁলোকে প্ৰথমে জয়া আখটাৰৰ এটা পাৰ্টিত লগ পাইছিল। অভিনেত্ৰীগৰাকীয়ে প্ৰথমে জয়াক কৈছিল যে বিকিয়ে তাইৰ হৃদয় জয় কৰিছে। কেটৰিনাই বিকিৰ সৈতে এই প্ৰেমৰ সম্পৰ্কক 'সম্পূৰ্ণ অপ্ৰত্যাশিত' বুলি কৈ আহিছে।