ডিজিটেল ডেস্কঃ কোনেও নিজৰ প্ৰিয় তাৰকাক দেখা পোৱাৰ সুযোগ হেৰুৱাব নিবিচাৰে। তিৰুৱানন্তপুৰমত থালাপথী বিজয়কো দেখা পাই ৰাইজ উত্তেজিত হৈ পৰিছিল। কিন্তু শেষত উন্মাদ অনুৰাগীয়ে অভিনেতাজনৰ গাড়ীখনৰ ক্ষতিসাধন কৰে।
শেহতীয়াকৈ বিজয় তেওঁৰ নতুন ছবি ‘গোট’ৰ শ্বুটিংৰ বাবে কেৰালাত উপস্থিত হয়। এই খবৰ শুনি বিমানবন্দৰৰ বাহিৰত সমবেত হয় অনুৰাগী। কিন্তু বিজয়ক দেখা পোৱাৰ পিছতো তেওঁলোক শান্ত নহ’ল। অনুৰাগীৰ এটা দলে বিজয়ৰ পাছে পাছে হোটেললৈ যায়। অভিনেতাজনৰ গাড়ীৰ কেইবাটাও অংশ ক্ষতিগ্ৰস্ত হয়। গাড়ীৰ গ্লাছো ভাঙি যায়। সেই ভিডিঅ’টো এতিয়াৰ বাবে নেট জগতত বিয়পি পৰিছে।
প্ৰায় ১৪ বছৰৰ পাছত কেৰালাত ভৰি দিলে বিজয়ে। অভিনেতাগৰাকীৰ প্ৰতি অনুৰাগীৰ অতিৰিক্ত উৎসাহ আছিল। কিন্তু নিৰাপত্তাৰক্ষীয়ে বুজি পোৱা নাছিল যে তেওঁলোকে এনেদৰে তেওঁৰ গাড়ীত উঠিব। সূত্ৰৰ পৰা জানিব পৰা মতে, ভিৰৰ মাজত কোনো আঘাতপ্ৰাপ্ত হোৱা নাই অভিনেতাগৰাকী। শেষত তেওঁৰ গাড়ীৰ বাবে ধন দিব লগা হ’ল। জানিব পৰা মতে, অভিনেতাগৰাকী অহা কেইসপ্তাহমানৰ বাবে ছবিখনৰ শ্বুটিংৰ বাবে তিৰুৱানন্তপুৰমত থাকিব।
Leave A Comment