দৈনিক মাত্ৰ ৫ মিনিট ধ্যান কৰিলে আপুনি আচৰিত ধৰণৰ উপকাৰ পাব

দৈনন্দিন কাম-কাজৰ পৰা নিজৰ বাবে মাত্ৰ ৫ মিনিট সময় উলিয়াই আপুনি আপোনাৰ শৰীৰক বহুতো উপকাৰ দিব পাৰে। ধ্যান হৈছে যোগৰ এক শক্তিশালী অভ্যাস যাৰ দ্বাৰা মনক নিয়ন্ত্ৰণ কৰিব পৰা যায়। ইয়াৰ লগতে ধ্যান কৰি সমগ্ৰ শৰীৰৰ ওপৰত নিয়ন্ত্ৰণ লাভ কৰিব পাৰি। যদিও মানুহে কমেও ১৫ মিনিট ধ্যান কৰে, কিন্তু আজিৰ ব্যস্ত জীৱনশৈলীত নিজৰ বাবে সময় বিচাৰি পোৱাটো অতি কঠিন হৈ পৰিছে। এনে পৰিস্থিতিত যদি আপুনি মাত্ৰ ৫ মিনিট সময় উলিয়াই ধ্যান কৰে তেন্তে আপুনি বহু উপকাৰ লাভ কৰিব পাৰিব। দৈনিক পাঁচ মিনিট ধ্যান কৰাৰ উপকাৰিতাৰ বিষয়ে জানি লওক-

বহু গৱেষণাৰ পৰা দেখা গৈছে যে ধ্যান-ধাৰণাই ৰক্তচাপ কমোৱাৰ বাবে ঔষধৰ দৰে কাম কৰিব পাৰে। ধ্যান কৰিলে শৰীৰে মানসিক চাপৰ হৰম’নৰ প্ৰতি কম প্ৰতিক্ৰিয়া প্ৰকাশ কৰে, যিয়ে ৰক্তচাপ হ্ৰাস কৰাত সহায়ক বুলি প্ৰমাণিত হ’ব পাৰে।

এটা অধ্যয়নত দেখা গৈছে যে ধ্যান কৰিলে কামত একাগ্ৰতা বৃদ্ধি পায়। ইয়াৰ উপৰিও ধ্যানকাৰীসকলে স্মৃতি গঠন কৰি সহজে সিদ্ধান্ত ল’বলৈ সক্ষম হয়।

বেছিভাগ মানুহেই ভৱিষ্যতক লৈ চিন্তিত আৰু প্ৰায়ে এই বিষয়টোক লৈ চিন্তিত হৈয়েই থাকে। কিন্তু ধ্যান কৰিলে চিন্তাৰ দৌৰৰ পৰা নিজকে পৃথক কৰিবলৈ সক্ষম হয় আৰু বৰ্তমানৰ মুহূৰ্তত মনোনিৱেশ কৰি মানসিক চাপ কমি যায়।

ধ্যান কৰি মনটো শান্ত কৰিব পাৰি। ইয়াৰ উপৰিও ধ্যান কৰিলে টোপনিৰ মান উন্নত হয়।

মানসিক চাপে প্ৰত্যক্ষভাৱে পাচনতন্ত্ৰত প্ৰভাৱ পেলায়। মানসিক চাপৰ ফলত পেট ফুলা, এচিড ৰিফ্লাক্স, আলচাৰ আনকি খাদ্যৰ এলাৰ্জীও হ’ব পাৰে। ধ্যান কৰিলে শৰীৰে শিথিলতা অনুভৱ কৰে, যাৰ বাবে পেট ফুলা, ডায়েৰিয়া আৰু কোষ্ঠকাঠিন্যৰ লক্ষণসমূহে দেখা দিয়া হ্ৰাস পায়৷