কেন্সাৰ প্ৰতিৰোধ কৰিবলৈ প্ৰয়োজনীয় তিনিটা অভ্যাস ; জানক সবিশেষ

কৰ্কট ৰোগীৰ সংখ্যা প্ৰতিবছৰে বাঢ়ি আহিছে। ২০১৮ চনত দেশত কৰ্কট ৰোগীৰ সংখ্যা আছিল ২.৫ নিযুত। ২০২০ চনত সেই সংখ্যা আছিল প্ৰায় ৪৯ লাখ। বৰ্তমান বিশ্বত কৰ্কট ৰোগীৰ সংখ্যা হৈছে ১৮.১ নিযুত। ভাৰতীয় চিকিৎসা গৱেষণা পৰিষদৰ মতে, প্ৰতিদিনে ভাৰতত প্ৰায় ১,৩০০ লোক কৰ্কট ৰোগত আক্ৰান্ত হৈ মৃত্যুমুখত পৰে। 

কৰ্কট ৰোগত আক্ৰান্ত লোকসকলৰ গড় বয়সো সময়ৰ লগে লগে হ্ৰাস পাইছে। আগতে কৰ্কট ৰোগীৰ গড় বয়স ৭০ বুলি গণ্য কৰা হৈছিল। তাৰ পাছত গড় আয়ুস ৩০-৬৯লৈ হ্ৰাস পায়৷ অধ্যয়নে কয় যে অস্বাস্থ্যকৰ জীৱনযাপনে কৰ্কট ৰোগৰ আশংকা যথেষ্ট পৰিমাণে বৃদ্ধি কৰে।

শেহতীয়া এক অধ্যয়ন অনুসৰি তিনিটা নিয়মীয়া অভ্যাসে কৰ্কট ৰোগৰ আশংকা প্ৰায় ৬১ শতাংশ হ্ৰাস কৰিব পাৰে। চিকিৎসা আলোচনী ‘ফ্ৰণ্টিয়াৰ্ছ অব্ এজিং’ত প্ৰকাশিত তথ্য অনুসৰি, শৰীৰ নিৰ্মাণ, অমেগা-৩ সমৃদ্ধ খাদ্য, আৰু ভিটামিন ডিয়ে কৰ্কট ৰোগৰ আশংকা হ্ৰাস কৰিব পাৰে।

আনহাতে, শৰীৰটো স্বাস্থ্যৱান কৰি ৰাখিবলৈ নিয়মীয়া ব্যায়ামৰ কোনো বিকল্প নাই। নিয়মীয়া ব্যায়াম, যোগাসন কৰাৰ অভ্যাসে কৰ্কট ৰোগৰ আশংকা হ্ৰাস কৰে।

ব্যায়াম কৰাৰ উপৰিও কৰ্কট ৰোগৰ আশংকা হ্ৰাস কৰিবলৈ আপোনাৰ দৈনিক খাদ্যতালিকাত অমেগা-৩ সমৃদ্ধ খাদ্য ৰাখিব।

চয়াবিন, সাগৰীয় মাছ, আখৰোট, তিসিৰ বীজ, বাদামত অমেগা-৩ থাকে। একেদৰে, ভিটামিন ডি সমৃদ্ধ খাদ্য যেনে দুগ্ধজাত সামগ্ৰী, কণীৰ কুহুম, মাছ, মাংস, কাঠফুলা, পালেং শাক, দৈয়েও কৰ্কট ৰোগ প্ৰতিৰোধ কৰিব পাৰে। কৰ্কট ৰোগৰ পৰা সুৰক্ষিত থাকিবলৈ আপুনি দৈনিক খাদ্যতালিকাত ভিটামিন ডি সমৃদ্ধ খাদ্য ৰাখিব পাৰে।