ব্ৰিটেইনঃ ২১ বছৰীয়া এগৰাকী মহিলাই সন্তান জন্মৰে ৰছিলে ইতিহাস। ঘটনাটো সংঘটিত হৈছে ব্ৰিটেইনৰ অক্সফৰ্ড চহৰত। অক্সফৰ্ড চহৰৰ এখন চিকিংসালয়ত ব্ৰিটেইনৰ ২১বছৰীয়া মহিলাগৰাকীয়ে জন্ম দিয়া কন্যা সন্তানটিৰ ওজন প্ৰায় ৬কিঃগ্ৰাঃ। নৱজাতকৰ ওজন দেখি হতবাক চিকিংসক। চিকিৎসকসকলে গৰ্ভৱতী মহিলাগৰাকীৰ পেটত যমজ সন্তান থকা বুলি প্ৰথমে ভাবিছিল যদিও সন্তান প্ৰসৱ হোৱাৰ পাছত ভুল ভাঙে চিকিৎসকৰ।
আৰু পঢ়িব পাৰিব : হোজাইৰ শংকৰদেৱ নগৰত সাংবাদিকক আক্ৰমণ
‘ডেইলী মেইল’ত প্ৰকাশিত বাতৰি অনুসৰি, সদ্যোজাত শিশুটিৰ ওজন আছিল ১৩ পাউণ্ড অৰ্থাং ৬ কিঃগ্ৰাঃৰ ওচৰা ওচৰি। এই নৱজাতকৰ জন্মই গঢি়লে বিশ্বৰেকৰ্ড। কাৰণ, ইমান বেছি ওজনৰ নৱজাতকৰ জন্ম ইয়াৰ পূৰ্বে মাত্ৰ এবাৰ হৈছে। ২০১২ চনত ব্ৰিটেইনৰে এগৰাকী মহিলাই প্ৰায় চাৰে ৬ কিঃগ্ৰাঃ ওজনৰ নৱজাতক জন্ম দি গঢি়ছিল অভিলেখ।
আৰু পঢ়িব পাৰিব : তামলিনাডুত থকাসৰকা বিজেপিঃবিশাল জয়ৰ দিশে ডিএমকে-কংগ্ৰেছ জোঁট
চিকিৎসকে সদৰী কৰা অনুসৰি, নৱজাতকৰ লগতে সন্তানৰ মাতৃ বৰ্তমান সুস্থ আৰু তেওঁলোকৰ শাৰীৰিক কোনো অসুবিধাই দেখা দিয়া নাই। চিকিৎসকে এই তথ্য ৰাজহুৱা কৰাৰ পাছতে সামাজিক মাধ্যমত ভাইৰেল হৈ পৰিছে এই খবৰ। সামাজিক মাধ্যমত মাতৃ-সন্তানৰ সুস্বাস্থ্য কামনা বিশ্ববাসীৰ।
Leave A Comment