• দুদিনীয়া ভ্ৰমণসূচীৰে বাংলাদেশলৈ যাত্ৰা প্ৰধানমন্ত্ৰী মোদীৰ

    আন্তঃৰাষ্ট্ৰীয়

    নতুন দিল্লী : দুদিনীয়া ভ্ৰমণসূচীৰে শুকুৰবাৰে বাংলাদেশলৈ যাত্ৰা কৰিছে প্ৰধানমন্ত্ৰী নৰেন্দ্ৰ মোদীয়ে৷ বাংলাদেশত ভালেমান অনুষ্ঠানত অংশগ্ৰহণ কৰিব মোদীয়ে৷ কৰ'না সংক্ৰমণৰ পাছৰ পৰ্যায়ত এয়া প্ৰধানমন্ত্ৰী মোদীৰ প্ৰথমটো আন্তঃৰাষ্ট্ৰীয় ভ্ৰমণ৷ টুইটযোগে তেওঁৰ এই ভ্ৰমণৰ কথা সদৰি কৰিছে প্ৰধানমন্ত্ৰী মোদীয়ে।

    আৰু পঢ়িব পাৰিব : সাজু নিৰ্বাচন আয়োগঃ স্পৰ্শকাতৰ ভোটকেন্দ্ৰত নিয়োগ হ’ব অৰ্ধসামৰিক বাহিনী

    তেওঁ প্ৰকাশ কৰিছে যে, বাংলাদেশৰ প্ৰধানমন্ত্ৰী শ্বেখ হচিনাৰ আমন্ত্ৰণ ৰক্ষাৰ্থে ২৬-২৭ মাৰ্চত তেওঁ বাংলাদেশ ভ্ৰমণ কৰিব আৰু শুকুৰবাৰে বাংলাদেশৰ ৰাষ্ট্ৰীয় দিৱস উদযাপনত তেওঁৰ অংশগ্ৰহণ কৰিব। চুবুৰীয়া দেশখনৰ অৰ্থনৈতিক আৰু উন্নয়নমূলক দেশখনৰে বিভিন্ন দ্বিপাক্ষিক সম্পর্ক উন্নত কৰাৰ দিশত তেওঁৰ এই ভ্ৰমণ গুৰুত্বপূৰ্ণ হ'ব বুলি আশা কৰা হৈছে।

    আৰু পঢ়িব পাৰিব : ‘মোক ভোট দিয়ক, পাব হেলিকপ্টাৰ, যাব পাৰিব চন্দ্ৰ ভ্ৰমণলৈ!’

    ইফালে, শুকুৰবাৰে বাংলাদেশৰ ৰাষ্ট্ৰীয় দিৱস উদযাপন আৰু বাংলাদেশৰ পিতৃপুৰুষ শ্বেখ মুজিবুৰ ৰহমানৰ জন্ম শতবাৰ্ষিকী উদযাপনত অংশ ল'ব বুলি জানিবলৈ দি প্ৰধানমন্ত্ৰী মোদীয়ে কয় যে, 'বঙ্গবন্ধু' যোৱা শতিকাৰ অন্যতম শ্ৰেষ্ঠ নেতা আছিল, যাৰ জীৱন আৰু আদৰ্শেৰে লাখ লাখ লোকক অনুপ্ৰাণিত কৰি আহিছে।

    Weather Forecast