বিমান বন্দৰত বোমাতংক! ছুটী বাতিল মেছীৰ

• Image Credit: Internet

• Jul 15, 2021 | moderator

আৰ্জেণ্টিনাঃ ২০২১ৰ কোপা আমেৰিকাৰ সফল অভিযান সামৰি ঘৰমুৱা হৈছে আৰ্জেণ্টিনাৰ খেলুৱৈসকল। সুদীৰ্ঘ সময়ৰ ব্যস্ততাৰ পাছত স্পেইন নিবাসী পৰিয়ালৰ সৈতে সময় অতিবাহিত কৰাৰ পৰিকল্পনা আছিল মেছীৰ। কিন্তু ভবামতে নহ’ল। বিমান অৱতৰণৰ কেইঘণ্টামানৰ পূৰ্বে আৰ্জেণ্টিনাৰ ৰেজাৰিঅ’ বিমান বন্দৰত বোমাতংকৰ পৰিৱেশে দেখা দিয়ে। এই অনাহূত পৰিস্থিতিৰ বাবে পৰৱৰ্তী সময়ত মেছীয়ে ছুটীৰ পৰিকল্পনা বাতিল কৰে। অৱশ্যে বোমাতংকৰ এই ঘটনা ভুৱা বুলি পৰৱৰ্তী সময়ত নিশ্চিত কৰে বিমান বন্দৰ কৰ্তৃপক্ষই।

ইফালে কেইদিনমান পূৰ্বে বাৰ্চিলোনাৰ সৈতে লিঅ’নেল মেছীৰ চুক্তিৰ ম্যাদ উকলিছে। তিক্ত বাত-বিতণ্ডাই দেখা দিছিল দলীয় সতীৰ্থৰ মাজত। কোপা আমেৰিকা খিতাপ জয়ৰ পাছত মেছীয়ে বাৰ্চিলোনা ক্লাবৰ পৰা খেলাৰ আশা ক্ৰীড়া অনুৰাগীৰ। অৱশ্যে মেছীৰ প্ৰত্যাৱৰ্তনক লৈ আশাবাদী বাৰ্চিলোনা ক্লাবৰ সভাপতি জ’য়ান লাপোৰ্তা। ইতিমধ্যে পেৰিছ ছেণ্ট জাৰ্মেইন আৰু মানচেষ্টাৰ চিটীকে আদি কৰি একাংশ নামী ফুটবল ক্লাবে মেছীৰ অনুমোদন বিচাৰি চুক্তিপত্ৰ প্ৰেৰণ কৰিছে।