ডিজিটেল ডেস্কঃ প্ৰকৃত প্ৰেমে একো বাচ-বিচাৰ নকৰে। এই প্ৰেম কেতিয়া কাৰ লগত হৈ যায় সেয়া কোনেও ক'ব নোৱাৰে। প্ৰেমে মাঁথো বিচাৰি লয় সঁচা হৃদয়ৰ ঠিকনা। সঁচা মৰম-ভালপোৱাই সদায় সকলো বাধা উফৰাই নিজৰ প্ৰেমাষ্পদক আঁকোৱালি লয়। তেনে এক সঁচা প্ৰেম কাহিনীয়ে এতিয়া সকলোতে লভিছে চৰ্চা। এই প্ৰেম কাহিনী পাকিস্তানৰ।
এটা আগশাৰীৰ কোম্পানীৰ মালিকনী প্ৰেমত পৰে সেই কোম্পানীতেই পিয়নৰ কাম কৰা এজন যুৱকৰ সৈতে। যুৱতীগৰাকীয়ে বছৰি ৬০ লাখ টকা উপাৰ্জন কৰে। এইগৰাকী দুৰ্দান্ত প্ৰেমিকা শ্বেৰিছৰ কাহিনী এতিয়া বহু লোকৰ মুখে মুখে।
শ্বেৰিছৰ প্ৰেম জাগি উঠে কোম্পানীৰ পিয়ন ৰইছ খানৰ প্ৰতি। এই প্ৰেমত দুৰ্ঘোৰ আপত্তি আছিল শ্বেৰিছৰ পৰিয়ালৰ লোকৰ। কোনো ফালৰ পৰাই ৰইছ খান শ্বেৰিছৰ যোগ্য নহয় বুলি ককৰ্থনা কৰিছিল পৰিয়ালৰ লোকে। এই প্ৰেমত তেওঁলোকে বাধা দিবলৈ ধৰিলে। কিন্তু শ্বেৰিছৰ হৃদয়ে বিচাৰে মাঁথো ৰইছ খানক। সেয়ে সকলো বাধা আঁতৰাই একেবাৰে ৰইছৰ কাষলৈ গুচি আহে শ্বেৰিছ আৰু দুয়ো বিবাহপাশত আবদ্ধ হয়।
এই প্ৰেম সন্দৰ্ভত শ্বেৰিছে কয় যে, ৰইছ এটা খুব ভাল আৰু মৰমীয়াল লৰা। তেওঁ খুউব ভাল গান গায়। কাম কাজতো তেওঁ বহুত ভাল লগতে দেখাতো সুন্দৰ। বিশেষকৈ ৰইছৰ সুন্দৰ কন্ঠৰ প্ৰেমত পৰা বুলি কয় শ্বেৰিছে।
শেহতীয়াকৈ এই নৱ বিবাহিত দম্পতীৰ এক সাক্ষাৎকাৰ লৈছিল পাকিস্তানৰ এটা জনপ্ৰিয় ইউটিউব চেনেলে। এই সাক্ষাৎকাৰ বৰ্তমান ছ'চিয়েল মিডিয়াত ভাইৰেল হৈ পৰিছে। সকলোৱে তেওঁলোকৰ সংসাৰ সুখক হবৰ বাবে শুভকামনা জনাইছে।
Leave A Comment