গোৱালৈ গৈ সন্ধানহীন হ’ল নেপালৰ মেয়ৰৰ কন্যা! তাৰপাছত?

বুধবাৰে পুৱা ফেচবুকত পোষ্ট কৰি মেয়ৰগৰাকীয়ে কয় যে আৰতিক পোৱা গৈছে। আৰতি শাৰীৰিকভাৱে দুৰ্বল হৈ পৰিছে। মেয়ৰগৰাকীয়ে গোৱাবাসীক ধন্যবাদ জ্ঞাপন কৰে।

স্থানীয় সংবাদ সংস্থাৰ সূত্ৰ অনুসৰি নেপালৰ ধনগাঢ়ীৰ মেয়ৰ গোপাল। কেইমাহমান আগতে তেওঁৰ ডাঙৰ কন্যা আৰতি নেপালৰ পৰা গোৱালৈ গৈছিল। গোৱালৈ যোৱাৰ পিছত ৩৬ বছৰীয়া যুৱতীগৰাকীয়ে এটা বিখ্যাত ধ্যান কেন্দ্ৰলৈ যায়। গোপালে কয় যে বিগত কেইমাহমানৰ পৰা এই ধ্যান কেন্দ্ৰটো আৰতিৰ ঠিকনা হৈ আহিছে। কিন্তু গোপালে দুই-তিনিদিন আৰতিৰ সৈতে যোগাযোগ কৰিব নোৱাৰিলে।

মেয়ৰগৰাকীৰ মতে, আৰতিৰ সৈতে যোগাযোগ কৰিব নোৱাৰাৰ বাবেই তেওঁ অনুসন্ধান আৰম্ভ কৰে। আৰতিৰ এজন বন্ধুৱে কয় যে সোমবাৰে নিশা ধ্যান কেন্দ্ৰত আৰতিক লগ পাইছিল। মঙলবাৰে পুৱাৰে পৰা ক’তো দেখা পোৱা নাই আৰতি বুলি বন্ধুজনে কয়। অৱশেষত অন্য কোনো পথ বিচাৰি নোপোৱাকৈয়ে ছ’চিয়েল মিডিয়াৰ ফালে মুখ কৰিলে নেপালৰ মেয়ৰগৰাকীয়ে।

মঙলবাৰে নিজৰ এক্স হেণ্ডেলত পোষ্ট কৰি লিখিছে, ‘মোৰ ডাঙৰ ছোৱালী আৰতি কেইমাহমান গোৱাত আছিল। তেওঁৰ এজন বন্ধুৱে মোক জনাইছিল যে আৰতি ক’তো পোৱা নাযায়। গোৱাত বাস কৰা সকলক অনুৰোধ কৰিছো যে আৰতিৰ কিবা খবৰ আহিলে মোক জনাব।''

সকলোৰে সুবিধাৰ বাবে গোপালে এক্সৰ পেজত কিছু ফোন নম্বৰো দিছে। পোষ্টটোত তেওঁ লিখিছে, ‘মোৰ সৰু ছোৱালী অৰ্জু আৰু তেওঁৰ স্বামী দুয়োজনেই মঙলবাৰে নিশা বিমানেৰে গোৱালৈ যাব। আৰতিক বিচাৰিবলৈ ওলাইছে। গোৱা আৰক্ষীয়ে তালাচী আৰম্ভ কৰি মেয়ৰ-কন্যাক উদ্ধাৰ কৰে।’’