ডিজিটেল ডেস্ক: আফগানিস্তানত তালিবানৰ বাবে নিৰ্ধাৰণ হৈছে নতুন নিয়ম৷ এতিয়াৰে পৰা তালিবানৰ লোকসকলে আৰু দ্বিতীয় বিবাহ কৰাব নোৱাৰিব৷ এই কঠোৰ নিৰ্দেশনা জাৰি কৰিছে তালিবানৰ মুৰব্বী আখুন্দজাদাই৷
আফগান তালিবানৰ মুৰব্বী হৈবতুল্লা আখুন্দজাদাই আফগানিস্তানৰ অন্তৱৰ্তীকালীন চৰকাৰৰ বিষয়াসকলক একাধিকবাৰ বিবাহ নকৰিবলৈ নিৰ্দেশ দিছে। ‘টোলো নিউজ’ৰ এক প্ৰতিবেদন অনুসৰি, তালিবানৰ সৰ্বোচ্চ নেতা হৈবতুল্লা আখুন্দজাদাই তালিবান কৰ্তৃপক্ষক নিৰ্দেশনা জাৰি কৰি তেওঁলোকক দুই, তিনি বা চাৰিগৰাকী মহিলাৰ সৈতে বিবাহপাশত আবদ্ধ নহ’বলৈ সকীয়াই দিছে।
তালিবানে বিগত বৰ্ষৰ আগষ্টত ক্ষমতালৈ অহাৰ পূৰ্বেও জানুৱাৰীত একে ধৰণৰ ফটোৱা জাৰি কৰিছিল। তালিবানে নেতা আৰু কমাণ্ডাৰসকলক কেইবাজনো পত্নী থকাৰ ওপৰত নিষেধাজ্ঞা আৰোপ কৰিছিল। দাৰাউন তালিবানে কৈছিল যে এনে ধৰণৰ প্ৰথাই আমাৰ শত্ৰুসকলক সমালোচনা কৰাৰ সুযোগ দিয়ে। আন এক প্ৰতিবেদন অনুসৰি, মানুহে যৌতুকৰ বিষয়ে অভিযোগ কৰিছিল৷ কিছুসংখ্যক লোকে তেওঁলোকৰ ঊৰ্ধতন বিষয়াসকলক যৌতুক দিয়াত সহায় কৰিবলৈ টকা বিচাৰিছিল।
কেইবাটাও অভিযোগ পোৱাৰ পাছত এতিয়া তালিবানৰ দ্বাৰা এনে নিৰ্দেশ জাৰি কৰা হৈছে। সূত্ৰ অনুসৰি, কিছুমান অঞ্চলত ২০ লাখ আফগানীক যৌতুক হিচাপে প্ৰায় ২০ লাখ ২৩ হেজাৰ ২৮৩ টকা দিয়া হয়। তালিবান বিষয়াসকলে তেওঁলোকৰ দ্বিতীয় বিবাহ একে পৰিমাণৰ যৌতুকৰ সৈতে কৰায়৷
২০২১ চনৰ ডিচেম্বৰত তালিবানে মহিলাৰ অধিকাৰৰ ওপৰত এক নিৰ্দেশ প্ৰদান কৰে আৰু কয় যে মহিলাসকলক সম্পত্তি হিচাপে গণ্য কৰিব নালাগে। তেওঁলোকৰ বিবাহত সন্মতি থাকিব লাগে। তালিবানৰ মুখপাত্ৰ জাবিহিল্লাহ মুহাজিদে আদেশটোত কৈছিল, মহিলাগৰাকী সম্পদ নহয়, কিন্তু এগৰাকী মুক্ত মানুহ। কোনেও তেওঁক শান্তিৰ বাবে বা শত্ৰুতা শেষ কৰাৰ বিনিময়ত জোৰকৈ বিয়া দিব নোৱাৰে।
Leave A Comment