১২৮ বছৰতো সুস্বাস্থ্যৱান এইগৰাকী বৃদ্ধা! সৰুতে খাইছিল এই তিনিবিধ বিশেষ বস্তু

১৮৯৪ চনৰ ১১ মে’ত দক্ষিণ আফ্ৰিকাত (South Africa) জন্মগ্ৰহণ কৰা জোহানা মাজিবুকোৰ (Johanna Mazibuko) জন্ম হৈছিল কুঁহিয়াৰৰ পথাৰত আৰু তেওঁ ১২ জন ভাই-ভনীৰ ভিতৰত ডাঙৰ। জোহানাই কয় যে, "আমাৰ পৰিয়ালটো নিৰক্ষৰ আছিল আৰু আমি আগতে বহু সময় পথাৰত কটাবলগীয়া হৈছিল। মোৰ বৰ ভালকৈ মনত আছে, সৰুতে পথাৰবোৰত ফৰিঙে আক্ৰমণ কৰিছিল। আমি সেই ফৰিংবোৰ ধৰি ভাজি খাইছিলোঁ। কিন্তু বয়স বঢ়াৰ লগে লগে গাখীৰ আৰু বনৰীয়া কচু খাবলৈ ধৰিলোঁ।" 

জোহানাই লগতে কয় যে "এতিয়া মই আজিৰ খাদ্য খাওঁ কিন্তু মোৰ শৈশৱৰ সেই খাদ্যলৈ (গাখীৰ,বনৰীয়া কচু, ফৰিং) মোৰ মনত পৰে। মোৰ বিয়া হৈছিল এজন বুঢ়া মানুহৰ লগত, যাৰ নাম আছিল স্তৱনা মাজিবুকো। মোৰ স্বামীৰ প্ৰথম পত্নীৰ মৃত্যু হৈছিল। মোৰ স্বামীৰ বহুত গৰু-ঘোঁৰাৰ গোহালি আছিল। মোৰ স্বামী আৰু তেওঁৰ প্ৰথম পত্নী মেস্তৱানাৰ ৭টা সন্তান আছিল, ইয়াৰে ২টা এতিয়াও জীয়াই আছে। মেস্তৱানা আৰু মোৰ ২ টা সন্তানৰ উপৰিও মোৰ প্ৰায় ৫০ জন নাতি-পৰিনাতিও আছে।" জোহানাই কয় যে "বিয়াৰ আগতে ফাৰ্মৰ কাম কৰিছিলোঁ। পথাৰত কাম কৰাৰ উপৰিও কাপোৰ চাফা কৰা কাম কৰিছিলোঁ। মোৰ বিশ্বাস কাৰোবাৰ হাতত টকা নথকালৈকে তেওঁ বহুত সংগ্ৰাম কৰিবলগীয়া হয়। 

উল্লেখ্য যে জোহানাই বৰ্তমান কাণেৰে ভালকৈ শুনা নাপায় কিন্তু চকুৰে ভালকৈ দেখা পায়। এতিয়াও সুস্বাস্থ্যৱান হৈ থকা জোহানাই কয় যে লাহে লাহে তেওঁ খোজ কঢ়াত অসুবিধা পাইছে। তেওঁ কয় যে, "যেতিয়া মই মানুহক খোজকাঢ়ি যোৱা দেখোঁ, তেতিয়া মই ভাবো যে ময়ো তেওঁলোকৰ দৰে খোজকাঢ়ি যাব পৰা হ'লে ভাল আছিল।মোৰ এজন কেয়াৰটেকাৰ আছে যি ২০০১ চনৰ পৰা মোৰ লগত আছে। তেওঁ মোৰ বাবে ইমানেই বিশেষ হৈ পৰিছে যে তেওঁ ওচৰত নাথাকিলে মই টোপনিও নাযাওঁ।" জোহানাৰ ঘনিষ্ঠ লোকসকলে কয় যে তেওঁলোকৰ হাতত জোহানাৰ আইডি আছে আৰু সেই ভিত্তিত জোহানাৰ নাম গিনিজ বুক অৱ ৰেকৰ্ডত লিখিব লাগে, যাতে তেওঁ উপযুক্ত সন্মান লাভ কৰিব পাৰে।

আৰু পঢ়কঃ প্ৰেমিকে বিয়াৰ কথা কোৱাত হোৱাটছএপত ব্লক কৰিলে প্ৰেমিকাই! প্ৰেমিকৰ আত্মহত্যা