এই বিধান গ্ৰহণ কৰক, বয়সৰ চাপ আঁতৰ কৰক

• Image Credit: Internet

• Sep 9, 2021 | Deleted

গুৱাহাটী: ধুনীয়া হৈ থকাটো সকলোৰে বিচাৰে৷ উজ্জ্বল, পৰিষ্কাৰ আৰু সুন্দৰ চেহেৰাৰ অধিকাৰী হ’বলৈ প্ৰতিজনৰে হেঁপাহ থাকে৷ আপোনাৰ মুখৰ ছালখন হৈছে এনে এখন দাপোণ য’ত প্ৰতিফলিত হয় শৰীৰৰ ভিতৰৰ স্বাস্থ্য। যদি আমাৰ শৰীৰ সবল হয় তেন্তে ছাল উজ্জ্বল আৰু পৰিষ্কাৰো হ’ব। শৰীৰৰ স্বাস্থ্য বেয়া হ’লে ছাল নিস্তেজ, শুকান, দাগ থকা আৰু বয়সৰ ছাপ পৰা হয়। সেয়েহে আমি নিয়মিত ছালৰ যত্ন লোৱা উচিত।

ইপিনে যি ছালৰ উজ্জ্বলতা নাথাকে তেনে ছাল অকালতে বয়স হোৱা যেন লাগে। এই অকালতে বয়স হোৱাৰ কাৰণ হৈছে হতাশা, মানসিক হেঁচা, ৰ’দৰ প্ৰখৰ তাপ, হৰম’নৰ তাৰতম্যতা, বেছিকৈ মিঠা খোৱা, তেলযুক্ত খাদ্য, প্ৰদূষণ, ব্যয়াম নকৰা ইত্যাদি। গতিকে নিজৰ ছালৰ যত্ন ল’বলৈ কিছু ঘৰুৱা বিধান কৰিব পাৰে, তাৰ ভিতৰত-

• আপোনাৰ যদি ছাল শুকান-ৰুক্ষ ছাল তেন্তে বাদামৰ তেল দুই চামুচৰ লগত ভিটামিন ই অইল দুই চামুচ আৰু তিনি টোপাল কেম’মাইল এটা বটলত ভৰাই থৈ দিব। বেছি শুকান ছালৰ বাবে ই উপযুক্ত ক্লিনজাৰ।
• ছালকুঁৱৰীৰ ৰসৰ লগত মৌ মিহলাই কেৱল শুকান ছালত লগাব। প্ৰায় ১৫ মিনিটমান ৰখাৰ পাছত কুঁহুমীয়া পানীৰে ধুই দিব।
• খুব বেছি শুকান ছালত ক’কা বাটাৰ, মৌ, বাদামৰ তেল আৰু পদিনাৰ ৰস মিহলাই লগাব পাৰিলে ছাল সতেজ হোৱাৰ উপৰি দাগ আঁতৰে।
• প্ৰতিদিনে গাখীৰ মুখত সানি ২০মিনিট পৰ্যন্ত ৰাখক, তাৰ পাছত গৰম পানীৰে ধুলে ছালৰ উজ্জ্বলতা বাঢ়ে৷
• তাৰ উপৰি আপুনি নেমুৰস দুই টোপ, গাখীৰ এচামুচ আৰু মৌ মিশ্ন মুখত লগাব লাগে৷ এনে কৰিলও ছালখনৰ উজ্জ্বলতা বাঢ়িব।
• প্ৰতিদিনে গৰম বায়ু বা ষ্ট্ৰীম ল’ব লাগে৷
  *তাৰ উপৰি কফি, ফেনি আৰু গাখীৰৰ মিশ্ৰণ মুখত লগালে ছাল পৰিষ্কাৰ হয় আৰু দাগ কিছু পৰিমাণে আঁতৰে৷