• অসবৰ্ণ বিবাহেই কাল হ’ল ২৩ বছৰীয়া নীৰজৰ

    ৰাষ্ট্ৰীয়

    নতুন দিল্লী : অসবৰ্ণ বিবাহেই কাল হ’ল ২৩ বছৰীয়া নীৰজৰ। অন্য জাতিৰ ছোৱালীক প্ৰেমৰ সম্পৰ্কৰে বিয়া কৰোঁৱাৰ পাছত ছোৱালীৰ ভায়েকৰ ছুৰিকাঘাতত প্ৰাণ হেৰুৱালে ২৩ বছৰীয়া যুৱকজনে। এই ঘটনা সংঘটিত হৈছে হাৰিয়ানাত। বিগত তিনিদিনৰ ভিতৰত ‘ডিছঅনাৰ কিলিং’ৰ এয়া দ্বিতীয়টো ঘটনা পোহৰলৈ আহিল ৰাজ্যখনত।

    আৰু পঢ়িব পাৰিব : শাসনলৈ আহি সাৰদা, ৰ’জভেলীৰ ফাইল খুলিব ৰূপজ্যোতিয়ে!

    ভগ্নীৰ অসবৰ্ণ বিবাহক লৈ অসন্তুষ্ট ভাতৃয়ে প্ৰাণ কাঢ়িলে ভগ্নীৰ স্বামীৰ। ঘটনাটো সংঘটিত হৈছে শুকুৰবাৰে শেষনিশা পানীপটৰ ব্যস্ত বজাৰ এলেকাত। চিচি টিভিত হত্যাকাৰীজন পলাই যোৱাৰ দৃশ্য বন্দী হৈছে। আৰক্ষীয়ে ঘটনা সন্দৰ্ভত এটা গোচৰ ৰুজু কৰিছে যদিও নীৰজক ছুৰিকাঘাতেৰে হত্যা কৰা লোকজনক আৰক্ষীয়ে সোধাপোচা কৰা নাই। লোকজনে নীৰজক কেইবাৰো ছুৰিৰে আঘাত কৰিছিল বুলি জানিবপৰা গৈছে।

    আৰু পঢ়িব পাৰিব : হৃদৰোগ : স্বাস্থ্য সুস্থিৰ যদিও নিৰন্তৰ চিকিৎসকৰ নিৰীক্ষণত গাংগুলী

    নীৰজৰ জ্যেষ্ঠ ভাতৃ জগদীশে দাখিল কৰা অভিযোগত প্ৰকাশ কৰিছে যে, অভিযুক্ত লোকজনে ঘটনাটো সংঘটিত হোৱাৰ কিছুসময় পূৰ্বে নীৰজক ফোন কৰি লগ পাবৰ বাবে মাতিছিল। লোকজনে আনকি তেওঁৰ ভগ্নীলৈকো ফোন কৰি কৈছিল যে, ‘তুমি সোনকালেই কান্দিব লাগিব।’ লোককেইজনে পূৰ্বৰে পৰাই নীৰজক ভীতি-ভাবুকি প্ৰদৰ্শন কৰি অহা বুলিও প্ৰকাশ কৰিছে অভিযোগত।

    Weather Forecast

    ASSAM WEATHER