নতুন দিল্লী : দেশব্যাপী কৃষি আইনবিৰোধী কৃষক বিদ্ৰোহ অব্যাহত থকাৰ সময়তে এইবাৰ ইয়াক কেন্দ্ৰ কৰি ৰাজনৈতিক সংকটৰ সৃষ্টি হৈছে হাৰিয়ানাত। হাৰিয়ানাৰ বিজেপি নেতৃত্বৰ চৰকাৰ এইবাৰ অনাস্থা প্ৰস্তাৱৰ সন্মুখীন হৈছে। বিৰোধী দল কংগ্ৰেছে দাবী কৰিছে যে, দুজন নিৰ্দলীয় বিধায়কে চৰকাৰৰ পৰা সমৰ্থন প্ৰত্যাহাৰ কৰিছে। কৃষক বিদ্ৰোহৰ মাজতে বিৰোধীৰ এই পদক্ষেপ মনোহৰ লাল খট্টৰ চৰকাৰক বিব্ৰত কৰাৰ বাবে বুলি ধাৰণা কৰা হৈছে যদিও চৰকাৰৰ ভিতৰ চ’ৰাত অনুভূত হোৱা কঁপনিক উলাই কৰিব নোৱাৰি।
আৰু পঢ়িব পাৰিব : দেশৰ বয়োজ্যেষ্ঠতম : ১০৩বছৰীয়াই গ্ৰহণ কৰিলে ক’ভিড ভেকচিন
বিজেপিৰ সহযোগী দল দুষ্যন্ত চৌতালা নেতৃত্বৰ জেজেপিয়ে কৃষি আইনৰ বিৰুদ্ধাচৰণ কৰাৰ পাছত দল দুটাৰ মাজত দূৰত্ব স্পষ্ট হৈ পৰিছে। বিজেপিয়ে অৱশ্যে চৰকাৰলৈ কোনো ভাবুকি অহা নাই বুলি দাবী কৰিছে। তথাপি বিৰোধী দল কংগ্ৰেছৰ এই পদক্ষেপে বিজেপিৰ সহযোগী দল জেজেপিৰ ওপৰত চাপ বৃদ্ধিৰ সম্ভাৱনা আছে। কিয়নো দলটোৱে কৃষি আইনৰ বিৰুদ্ধে স্থিতি গ্ৰহণ কৰি আহিছে আৰু কৃষকৰ কাষত থিয় দিয়াৰ কথা প্ৰকাশ কৰি আহিছে। একাংশ জেজেপি বিধায়কে আশংকা প্ৰকাশ কৰিছে যে, তেওঁলোকক নিজৰ নিজৰ সমষ্টিত ৰাইজে প্ৰত্যাখ্যান কৰাৰ উপক্ৰম হৈছে। জেজেপিৰ এই দোধোৰ-মোধোৰ অৱস্থাৰ সুযোগ বিৰোধী কংগ্ৰেছে গ্ৰহণ কৰা চেষ্টা কৰিছে।
আৰু পঢ়িব পাৰিব : ‘অজাপ’ৰ পৰা কেন্দ্ৰীয় সম্পাদকসহ ১৭ জনৰ পদত্যাগ
উল্লেখ্য যে, ৯০খন আসনৰ হাৰিয়ানা বিধানসভাৰ ৪০খন আসন আছে বিজেপিৰ দখলত। ১০খন আসন জেজেপিয়ে দখল কৰি আছে। আন পাঁচজন নিৰ্দলীয় বিধায়কৰ সমৰ্থনো আছে চৰকাৰৰ সৈতে। কংগ্ৰেছৰ আসনৰ সংখ্যা ৩১খন। দুখন আসন খালী থকাৰ পৰিপ্ৰেক্ষিতত সংখ্যাগৰিষ্ঠতাৰ সীমা হৈছে ৪৫।
Leave A Comment