• Image Credit: Internet

• Apr 9, 2021 | moderator

গাজিয়াবাদ : কোভিড সংক্ৰমণে দেশত দ্ৰুততৰ ৰূপ ধাৰণ কৰাৰ সময়তে এতিয়া নাটনি হৈছে প্ৰতিষেধকৰো। মহাৰাষ্ট্ৰৰ মুম্বা্ইত ২৬টা টিকাকৰণ কেন্দ্ৰ বন্ধ কৰি দিবলগীয়া হৈছে প্ৰতিষেধকৰ নাটনিৰ বাবে। মহাৰাষ্ট্ৰ চৰকাৰে প্ৰকাশ কৰে যে, তেওঁলোকে কেন্দ্ৰ পৰা অধিক পৰিমাণৰ প্ৰতিষেধক অহাৰ বাবে অপেক্ষা কৰি আছে। প্ৰতিষেধকৰ অভাৱৰ বাবে ইয়াৰে নৱী মুম্বাইত থকা ২৩টা টিকাকৰণ কেন্দ্ৰ বন্ধ কৰি দিবলগীয়া হৈছে। কেন্দ্ৰই দেশৰ ভিতৰতে আটাইতকৈ ক্ষতিগ্ৰস্ত ৰাজ্যখনক এইদিশত বঞ্চিত কৰাৰো অভিযোগ উঠিছে।

আৰু পঢ়িব পাৰিব :লালকিল্লাৰ হিংসাত জড়িত নাছিল দীপ সিদ্ধু!

মহাৰাষ্ট্ৰ চৰকাৰৰ সহযোগী দল এনচিপিৰ মুৰব্বী শাৰদ পাৱাৰে এই বিষয়ে কেন্দ্ৰীয় স্বাস্থ্যমন্ত্ৰীৰে কথা পাতিছে। ইফালে, দিল্লীৰ সমীপৰ গাজিয়াবাদৰ একাধিক হাস্পতালত প্ৰতিষেধকৰ নাটনি হোৱা বুলি প্ৰকাশ কৰিছে। যোৱা সোমবাৰৰ পৰাই ভালেমান ব্যক্তিগত হাস্পতালত প্ৰতিষেধক নাইকিয়া হোৱা বুলি জানিব পৰা গৈছে। গাজিয়াবাদৰ ভালেমান চিকিৎসালয়ে জাননীযোগে প্ৰকাশ কৰিছে যে, তেওঁলোকৰ ওচৰত প্ৰতিষেধক মজুত নাই আৰু প্ৰতিষেধকৰ পৰৱৰ্তী ষ্টক কেতিয়া আহিব সেই লৈ তেওঁলোক নিশ্চিত নহয়।

আৰু পঢ়িব পাৰিব :সকলো ৰে’ল যাত্ৰীয়ে মাস্ক পিন্ধাটো বাধ্যতামূলক৷ নিয়ম উলংঘা কৰিলে বিহা হ’ব জৰিমনা

হাস্পতালৰ প্ৰৱেশ পথতে ফলক লগাই হাস্পতাল কৰ্তৃপক্ষই প্ৰতিষেধক মজুত নথকা কথা প্ৰকাশ কৰিছে আৰু প্ৰতিষেধক ল’ব বিচৰা লোকক ফোনযোগে যোগাযোগ কৰিহে আহিবলৈ আহ্বান জনাইছে। কেৱল গাজিয়াবাদতে নহয় ৰাজ্যখনৰ আন বিভিন্ন প্ৰান্তত প্ৰতিষেধকৰ নাটনি হোৱাৰ খবৰ প্ৰকাশ পাইছে আৰু বহু ঠাইত টিকাকৰণ স্থগিত ৰাখিবলগীয়া হৈছে।