জয়পুৰ: ৰাজস্থানৰ এগৰাকী ৩৫ বছৰীয়া মহিলা মাত্ৰ পাঁচ মাহৰ ভিতৰত ৩১ বাৰ ক'ভিড-১৯ পজিটিভ চিনাক্ত হোৱা ঘটনাই বিপাঙত পেলাইছে চিকিৎসক মহলক। ১৭ টা আৰটি-পিচিআৰ আৰু ১৪ টা দ্ৰুত এণ্টিজেন পৰীক্ষাকে ধৰি তেওঁৰ সকলো পৰীক্ষা পজিটিভ অহা বুলি জানিব পৰা গৈছে৷
আৰু পঢ়িব পাৰিব : অতিমাৰীৰ বাবে আনবাৰতকৈ পৃথক হ’ব গণতন্ত্ৰ দিৱস, বাদ পৰিব এইসমূহ দিশ
কৰ'নাভাইৰাছৰ ইনকিউবেশ্য়ন চক্ৰ ১৪ দিনত শেষ হয় বুলি বিশ্বাস কৰা হয় যদিও সাৰদা দেৱীৰ ক'ভিড-১৯ সম্পৰ্কীয় সকলো ফলাফলে চিকিৎসা তত্ত্বৰ বাবে এক প্ৰত্যাহ্বান সৃষ্টি কৰিছে৷ তেওঁৰ প্ৰথম পৰীক্ষা ছেপ্টেম্বৰত আৰু ৭ জানুৱাৰীত আটাইতকৈ শেহতীয়া পৰীক্ষা কৰা হৈছিল, আৰু প্ৰতিবাৰতেই তেওঁৰ ক'ভিড-১৯ পৰীক্ষাৰ ফলাফল পজিটিভ আহে৷ মহিলাগৰাকী বিগত বছৰৰ আগষ্টৰপৰা জয়পুৰৰ ভৰতপুৰৰ স্বপ্না আশ্ৰমত আছে।
আৰু পঢ়িব পাৰিব : কেন্দ্ৰীয় গৃহমন্ত্ৰীৰ সভা, নলবাৰীত ১৪৪ ধাৰা
আশ্ৰমৰ প্ৰট'কল অনুসৰি, প্ৰৱেশকাৰী হিচাপে গ্ৰহণ কৰাৰ আগতে তেওঁৰ ক'ভিড পৰীক্ষা কৰা হৈছিল আৰু ফলাফল ইতিবাচক আহিছিল৷ বহুতো চিকিৎসকে অনুমান কৰা মতে দেৱীক নিৰন্তৰভাৱে ইতিবাচক পৰীক্ষা কৰাৰ কাৰণ তেওঁৰ ৰোগ প্ৰতিৰোধ ক্ষমতাৰ দুৰ্বলতা হ'ব পাৰে।
Leave A Comment