• পুনৰ তেলখাদত ভয়ংকৰ অগ্নিকাণ্ড, ১০০০ লোকক স্থানান্তৰ…

    ৰাষ্ট্ৰীয়

    জাকাৰ্টা : ইণ্ডোনেছিয়াৰ সৰ্ববৃহৎ তেল শোধনাগাৰত আজি সংঘটিত হৈছে ভয়ংকৰ অগ্নিকাণ্ড। এটা বিস্ফোৰণৰ পাছত শোধনাগৰটো জুইৰ লেলিহান শিখাই আগুৰি ধৰে। দেশখনৰ পশ্চিম জাভাত থকা বালোনগান শোধনাগাৰত এই অগ্নিকাণ্ডৰ সূত্ৰপাত ঘটিছে। দেশখৱনৰ ৰাজহুৱা খণ্ডৰ তৈল কোম্পানী পেৰ্টামিনাই এই শোধনাগাৰটো পৰিচালনা কৰে।

    আৰু পঢ়িব পাৰিব : ভঙা ভৰিৰেই ৰণ অব্যাহত ৰাখিছে মমতা বেনাৰ্জীয়ে

    এই অগ্নিকাণ্ডৰ ফলত অতিকায় ধোঁৱাৰ কুণ্ডলীয়ে আকাশ ঢাকি ধৰা দেখিবলৈ পোৱা গৈছে। এই ঘটনাৰ বিষয়ে প্ৰকাশ কৰি এগৰাকী স্থানীয় বাসিন্দাই প্ৰকাশ কৰিছে যে, ‘আমি এটা বৃহৎ বিস্ফোৰণৰ শব্দ শুনিছিলোঁ আৰু হাৰিকেন বুলি ভাবিছিলোঁ।’

    আৰু পঢ়িব পাৰিব : হোলীৰ আনন্দৰ মাজতে পথ দুৰ্ঘটনাই প্ৰাণ কাঢ়িলে দুজনৰ

    সংবাদ প্ৰতিষ্ঠান এএফপিত এই তথ্য প্ৰকাশ পাইছে। বাসিন্দাগৰাকীয়ে লগতে কয়, মই বাহিৰলৈ চাই জুইৰ ভয়ংকৰ শিখা দেখা পাইছিলোঁ। জুইৰ শিখাই আকাশ স্পৰ্শ কৰাৰ দৰে পৰিস্থিতিৰ সৃষ্টি হৈছিল। এই অগ্নিকাণ্ডৰ ফলত কমেও পাঁচজন লোক গুৰুতৰভাৱে আহত হৈছে। আৰু কমেও এহেজাৰ লোকক স্থানান্তৰ কৰা হৈছে। আজি পুৱাৰ ভাগতে এটা ষ্টোৰেজ টেংকত প্ৰথমে এই জুইৰ সূত্ৰপাত ঘটে আৰু পাছত আটাইবোৰ কণ্টেইনাৰলৈ এই জুইৰ সম্প্ৰসাৰণ ঘটে।

    Weather Forecast

    ASSAM WEATHER