• শোকাৱহ: এটি শিশুক উদ্ধাৰ কৰিবলৈ গৈ কুঁৱাত পৰিল ৪০ জন

    ৰাষ্ট্ৰীয়

    ভূপাল: এক শোকাৱহ ঘটনাৰ সাক্ষী হৈছে সমগ্ৰ দেশ৷ ৮ বছৰীয়া এটি শিশুক উদ্ধাৰ কৰিবলৈ গৈ কুঁৱাত পৰিল ৪০ জন লোক। কুঁৱাত পৰা লোকসকলৰ ভিতৰত ৩জনৰ মৃত্যু ঘটিছে। এই ঘটনা মধ্যপ্ৰদেশৰ বিদিশা জিলাৰ গঞ্জ বাসদা গাঁৱত সংঘটিত হৈছে। কুঁৱাত পৰা ২৩ জনক ইতিমধ্যে উদ্ধাৰ কৰা হৈছে। উদ্ধাৰ কৰিছে এনডিআৰএফৰ দলে। অৱশ্যে এই পৰ্যন্ত কুঁৱাত প্ৰথমে পৰা ৮ বছৰীয়া শিশুটিক উদ্ধাৰ কৰিব পৰা হোৱা নাই। ৫০ ফুট গভীৰ আছিল কুঁৱাটো। বৃহস্পতিবাৰে নিশা কুঁৱাত পৰিছিল শিশুটি। তাৰ পাছত এজনৰ পাছত আনজন কুঁৱাত নামিছিল। ইয়াৰ মাজত হঠাৎ কুঁৱাৰ পাৰ ভাঙি পৰিছিল। আবদ্ধ হৈ পৰিছিল কুঁৱাত নমা লোকসকল।

    প্ৰায় ২৩ জন লোকক উদ্ধাৰ কৰা হৈছে বুলি মন্ত্ৰী বিশ্বাস কৈলাশ চাৰাঙে উল্লেখ কৰে৷ চাৰঙৰ ভাষ্য অনুসৰি তেওঁলোকৰ ১৩ জনক চিকিৎসালয়ত ভৰ্তি কৰোৱা হৈছে। মুখ্যমন্ত্ৰী শিৱৰাজ সিং চৌহানে ৰাজ্যৰ ৰাজধানী ভূপালৰ পৰা ৫০ কিলোমিটাৰ দূৰত বিদিশা জিলাৰ অভিভাৱক মন্ত্ৰী চাৰঙক উদ্ধাৰ আৰু সাহায্য অভিযান তদাৰক কৰিবলৈ কৈছিল৷ তেওঁ এই দুৰ্ঘটনাটোৰ উচ্চ পৰ্যায়ৰ তদন্তৰ নিৰ্দেশ দিছে।

    গাঁওবাসীৰ মতে, বৃহস্পতিবাৰে সন্ধিয়া খেলি থাকোতে এজনী ছোৱালী কুঁৱাত বাগৰি পৰে। আৰু গাঁওবাসীয়ে এই কথা গম পায় তেওঁলোকে কণমানিজনীক উদ্ধাৰ কৰিবলৈ চেষ্টা কৰিছিল৷ যেতিয়া কুঁৱাটোৰ সীমাৰ দেৱালখন সোমাই গৈছিল আৰু তেওঁলোক কুঁৱাটোত পৰি গৈছিল, ভূপাল বিভাগৰ অতিৰিক্ত আৰক্ষী সঞ্চালক প্ৰধান চাই মনোহৰে কয়।

    Weather Forecast

    ASSAM WEATHER