ডিজিটেল ডেস্কঃ বহু বছৰৰ পাছকত প্ৰথমবাৰৰ বাবে দিল্লীৰ বাহিৰত কংগ্ৰেছ ৱৰ্কিং কমিটিয়ে বৈঠকৰ আহ্বান কৰিছে। ১৬ ছেপ্টেম্বৰত তেলেংগানাৰ ৰাজধানী হায়দৰাবাদত অনুষ্ঠিত হৈছে এই বৈঠক। বৈঠকত কেৱল নিৰ্বাচনী পৰিকল্পনাৰ তালিকা প্ৰস্তুত কৰাই নহয়, ৰাজ্যখনৰ বৰ্তমানৰ বি আৰ এছ চৰকাৰখনক স্থানচ্যুত কৰা হৈছে।
কংগ্ৰেছৰ সাধাৰণ সম্পাদক কে চি ভেনুগোপাল আৰু জয়ৰাম ৰমেশৰ সহযোগত বৈঠকত নেতৃত্ব দিয়ে কংগ্ৰেছৰ মুৰব্বী মল্লিকাৰ্জুন খাৰ্গেই। লগতে দলৰ প্ৰাক্তন সভানেত্ৰী ছোনিয়া গান্ধী আৰু ৰাহুল গান্ধীও উপস্থিত থাকে।
বৈঠকৰ মুকলি ভাষণত কংগ্ৰেছৰ সভাপতি মল্লিকাৰ্জুন খাৰ্গে অভিযোগ কৰে যে মুদ্ৰাস্ফীতি আৰু নিবনুৱা সমস্যাৰ দৰে মৌলিক বিষয়ত যেতিয়াই কংগ্ৰেছে চৰকাৰক প্ৰশ্ন কৰে তেতিয়াই চৰকাৰে নতুন শ্লোগান দিয়ে।
‘বিৰোধী দলসমূহে যেতিয়াই এই মৌলিক বিষয়সমূহ উত্থাপন কৰে, তেতিয়াই উত্তৰ দিয়াৰ পৰিৱৰ্তে চৰকাৰে নতুন কৌশল গ্ৰহণ কৰে আৰু নতুন শ্লোগান দিয়ে। ‘আত্মনিৰ্ভৰ ভাৰত’, ‘৫ ট্ৰিলিয়ন অৰ্থনীতি’, ‘নতুন ভাৰত ২০২২’ আৰু ‘অমৃতকাল’ আদি শ্লোগান দিয়া হৈছিল।’- খাৰ্গেই কয়।
২০ আগষ্টত কংগ্ৰেছ ৱৰ্কিং কমিটি পুনৰ গঠন হোৱাৰ পিছতে কংগ্ৰেছৰ সভাপতিগৰাকীয়ে চি ডব্লিউ চিৰ প্ৰথমখন বৈঠকত কেইবাটাও বিষয়ৰ তালিকা প্ৰস্তুত কৰে। এই অনুসৰি জাতিগত লোকপিয়লৰ দাবী জনোৱা হয়।
একে সময়তে খাৰ্গে জি-২০ শীৰ্ষ সন্মিলনক লৈ বিজেপিৰ উচ্ছলতাক লৈও প্ৰশ্ন উত্থাপন কৰি কয় যে আমি সকলোৱে দেখিছো যে জি-২০ অনুষ্ঠানৰ পিছত চৰকাৰে কেনেকৈ নিজৰ প্ৰশংসাত নিমগ্ন হৈ পৰিছে। দিল্লীত অনুষ্ঠিত হোৱা জি-২০ বৈঠকত ৪ হাজাৰ কোটি টকা ব্যয় কৰা হৈছিল।’’
মণিপুৰৰ সমস্যা সন্দৰ্ভত খৰ্গে কয়, "আজি দেশখনে বহু গুৰুতৰ আভ্যন্তৰীণ প্ৰত্যাহ্বানৰ সন্মুখীন হৈছে। সমগ্ৰ বিশ্বই মণিপুৰৰ হৃদয় বিদাৰক ঘটনাৰ সাক্ষী হৈছিল। ২০২৩ চনৰ ৩ মে'ৰ পৰা আজিও তাত হিংসা অব্যাহত আছে। মোডী চৰকাৰে মণিপুৰৰ জুইৰ অনুমতি দিছিল। ইয়াত হিংসাৰ কাণ্ড সংঘটিত হৈছিল, যাৰ বাবে ৰাজস্থান, ইউ পি আৰু দিল্লীত সাম্প্ৰদায়িক উত্তেজনা বিয়পি পৰিছিল।"
“এই ঘটনাবোৰে আধুনিক, প্ৰগতিশীল, ধৰ্মনিৰপেক্ষ ভাৰতৰ ভাবমূৰ্তি কলংকিত কৰে। এনে পৰিস্থিতিত শাসকীয় দল, সাম্প্ৰদায়িক সংগঠন, সংবাদ মাধ্যমৰ এটা অংশই জুইত ইন্ধন যোগ কৰে।’- তেওঁ কয়।
ইয়াৰ উপৰিও তেওঁ ভাৰতৰ অৰ্থনীতি, মুদ্ৰাস্ফীতি, আদানী বিতৰ্ক আদিৰ বিষয়েও উল্লেখ কৰে।
Leave A Comment