“তেওঁলোকে মোৰ ল’ৰাটোক চকুৰ সন্মুখতে মাৰি পেলালে” মাতৃৰ সন্মুখতে প্ৰতিবেশীয়ে হত্যা কৰিলে পেৰামেডিকেলৰ ছাত্ৰক

ভুক্তভোগীগৰাকীৰ মাতৃয়ে দাবী কৰিছিল যে তেওঁলোকৰ চুবুৰীয়াৰ সৈতে এটুকুৰা মাটিক লৈ দীৰ্ঘদিনধৰি বিবাদ চলি আহিছিল। চুবুৰীয়াজনে বুধবাৰে নিশা তেওঁৰ পুত্ৰক হত্যা কৰাৰ অভিযোগ উত্থাপিত হৈছিল। 

আৰক্ষীৰ সূত্ৰ অনুসৰি, হাচিবুলৰ দেউতাক চান্দ আলী বিশ্বাস নিৰ্মাণ সামগ্ৰীৰ এজন ব্যৱসায়ী। হাচিবুল কৰ্ণাটকৰ এখন ব্যক্তিগত পেৰামেডিকেল মহাবিদ্যালয়ৰ তৃতীয় বৰ্ষৰ ছাত্ৰ। পৰীক্ষা শেষ হোৱাৰ পিছত তেওঁ এসপ্তাহ আগতে ঘৰলৈ উভতি আহিছিল। চান্দ আলী তিনিদিন ধৰি ব্যৱসায়ৰ বাবে উৰিষ্যাত আছে। ঘটনাৰ দিনা হাচিবুল আৰু তেওঁৰ সৰজিনা বিবি ঘৰত আছিল। তেওঁ অভিযোগ কৰিছিল যে তেওঁৰ চুবুৰীয়া মহৰম শ্বেখৰ সৈতে ১৫০ একৰ ভূমিৰ বাবে  দীৰ্ঘ দিন ধৰি বিবাদ চলি আহিছিল। চাৰ্জিনাই দাবী কৰিছিল যে কেইবাটাও মধ্যস্থতা স্বত্বেও বিবাদটো সমাধান কৰা হোৱা নাছিল। 

অভিযোগ মতে,  চাৰ্জিনাই বুধবাৰে পুৱা প্ৰায় ১২ বজাত পুত্ৰৰ  চিঞৰ শুনি হাচিবুলৰ ঘৰলৈ দৌৰি গৈছিল আৰু  দেখিছিল যে মহৰমে তেওঁৰ  পুত্ৰক দাৰে  প্ৰহাৰ কৰি আছে। গোটেই ঘৰটো তেজৰে ভৰি পৰিছিল। যেতিয়া চাৰ্জিনাই তেওঁক ৰখাবলৈ চেষ্টা কৰিছিল তেতিয়া  মহৰমে তেওঁক  প্ৰহাৰ কৰিছিল। যেতিয়া  তেওঁক চাৰিওফালে মানুহে বেৰি ধৰিছিল  তেওঁ পলাই গৈছিল।এই ঘটনাৰ পিছতে  মহৰমৰ বাবে ফাঁচী দাবী কৰিছে দুৰ্ভগীয়া ছাত্ৰগৰাকীৰ মাতৃয়ে৷ 

 আৰক্ষীয়ে চাৰ্জিনাৰ অভিযোগৰ ভিত্তিত এটা তদন্ত আৰম্ভ কৰিছে। অৱশ্যে, মহৰম আৰু তেওঁৰ ঘৰৰ সকলোৱে নিশাৰ পৰা পলাতক হৈ আছে। মহৰমৰ সন্ধান চলি আছে। পুত্ৰৰ মৃত্যুৰ খবৰ শুনি চান্দ আলী উৰিষ্যাৰ পৰা ঘৰলৈ ৰাওনা হয়।