গণতন্ত্ৰ দিৱসৰ প্ৰাক্ক্ষণত নিজৰ ভাষণ ৰাখিলে ৰাষ্ট্ৰপতি দ্ৰৌপদী মুৰ্মুৱে, সোঁৱৰণ কৰিলে বি আৰ আম্বেদকাৰক, কি কি ক’লে ৰাষ্ট্ৰপতিয়ে?

"ভাৰত এখন গণতান্ত্ৰিক গণৰাজ্য হিচাপে সফল হৈছে কাৰণ বিভিন্ন ধৰ্ম আৰু ভাষাই আমাক বিভক্ত কৰা নাই। ই আমাক একত্ৰিতহে কৰিছে।’’- ৰাষ্ট্ৰপতিগৰাকীয়ে কয়।

বি আৰ আম্বেদকাৰক সুঁৱৰি ৰাষ্ট্ৰপতিগৰাকীয়ে বিগত চাৰে সাত দশকত ভাৰতীয় গণতন্ত্ৰৰ সফলতাৰ কথা উল্লেখ কৰে। তেওঁ কয়- "সংবিধান প্ৰস্তুতকৰ্তাসকলৰ দৃষ্টিভংগীয়ে ভাৰতক এখন দৰিদ্ৰ আৰু নিৰক্ষৰ দেশৰ পৰা আত্মবিশ্বাসী ৰাষ্ট্ৰলৈ ৰূপান্তৰিত কৰিছে।’’

দ্ৰৌপদীয়ে নৰেন্দ্ৰ মোডী চৰকাৰৰ ৰাষ্ট্ৰীয় শিক্ষা নীতিকো প্ৰশংসা কৰিছে। তেওঁ কয়, "শিক্ষাক সময়সাপেক্ষ কৰি তোলা আৰু একবিংশ শতিকাৰ প্ৰত্যাহ্বানৰ মোকাবিলা কৰাৰ ক্ষেত্ৰত নতুন শিক্ষা নীতি কাৰ্যকৰী হ'ব।" ৰাষ্ট্ৰপতিয়ে দেশ নিৰ্মাণত কৃষক, শ্ৰমিক, চিকিৎসক, টেকনিচিয়ান আৰু সেনা আৰু সীমান্ত ৰক্ষী বাহিনীয়ে পালন কৰা গুৰুত্বপূৰ্ণ ভূমিকাৰ কথাও উল্লেখ কৰে।

অৰ্থনীতিত দেশৰ সফলতাৰ সন্দৰ্ভত ৰাষ্ট্ৰপতিগৰাকীয়ে কয়, "মহামাৰীৰ পৰিস্থিতিৰ পিছত চৰকাৰৰ সময়মতে লোৱা পদক্ষেপে দেশখনক দ্ৰুতগতিত বিকাশশীল অৰ্থনৈতিক শক্তিলৈ পৰিণত কৰিছে।''