ডিজিটেল ডেস্কঃ সলনি কৰা হ'ল দিল্লীৰ ঔৰংগজেৱ পথৰ নাম। এতিয়াৰে পৰা এই পথটোৰ নাম হ'ব ড০ এ পি জে আব্দুল কালাম পথ। এতিয়া এই পথটো ডাঃ এ পি জে আব্দুল কালাম লেন নামেৰে পৰিচিত হ’ব। বুধবাৰে এই সন্দৰ্ভত প্ৰশাসনিক চিল মোহৰ লগোৱা হৈছে।
নতুন দিল্লী পৌৰ পৰিষদে এই বিষয়ত সদস্যসকলৰ সৈতে হোৱা বৈঠকত পথটোৰ নাম সলনি কৰিবলৈ অনুমোদন জনাইছে। ২০১৫ চনৰ আৰম্ভণিতে এন ডি এম চিয়ে ঔৰংজেব ৰোডৰ নাম সলনি কৰি ড° এ পি জে আব্দুল কালাম ৰোড কৰিবলৈ দাবী তুলিছিল।
এন ডি এম চি এলেকাৰ অন্তৰ্গত ‘ঔৰংজেব লেন’ৰ নাম ড০ এ পি জে আব্দুল কালামলৈ সলনি কৰাৰ কথা পৰিষদৰ সন্মুখত এটা প্ৰস্তাৱ উত্থাপন কৰা হয়। এই প্ৰস্তাৱত এতিয়া অনুমোদন পোৱা গৈছে। এই বিষয়ত এন ডি এম চিৰ উপ সভাপতি সতীশ উপাধ্যায়ে কয় যে ৰাইজৰ আৱেগক সন্মান জনাই দেশৰ মহান পুৰুষ-মহিলাসকলক স্বীকৃতি দিয়াৰ প্ৰয়োজন আছে। বিগত সময়তো তেওঁলোকৰ সন্মানত পথ/উপপথ/প্ৰতিষ্ঠানৰ নাম সলনি কৰা হৈছে।
কোন আছিল ঔৰংজেৱ?
ঔৰংজেব এজন মোগল শাসক আছিল। তেওঁ আছিল শ্বাহজাহান আৰু মমতাজ মহল বেগমৰ পুত্ৰ। ঔৰংজেৱে দীৰ্ঘদিন ধৰি ভাৰতত শাসন কৰিছিল। ঔৰংজেৱৰ প্ৰতিচ্ছবি আছিল এজন ধৰ্মান্ধ আৰু নিষ্ঠুৰ শাসকৰ। ভাৰতৰ সিংহাসনত বহিবলৈ তেওঁ নিষ্ঠুৰতাৰ সকলো সীমা ভংগ কৰিছিল। ক্ষমতাৰ বাবে তেওঁ পিতৃক জেলত ভৰাইছিল। প্ৰকৃত ভাতৃক হত্যা কৰিছিল।
কোৱা হয় যে ঔৰংজেৱে পিতৃ শ্বাহজাহানক তেওঁৰ জীৱনৰ শেষ চাৰে সাত বছৰ আগ্ৰা গড়ত বন্দী কৰি ৰাখিছিল। ঔৰংজেৱে হিন্দু ৰাজনীতিত বহু অত্যাচাৰ কৰিছিল। ঔৰংজেৱক বহু প্ৰধান হিন্দু মন্দিৰ ধ্বংস হোৱাৰ কাৰণ বুলি গণ্য কৰা হয়। বহু সংগঠনে দীৰ্ঘদিন ধৰি ঔৰংজেৱৰ নামেৰে নামাকৰণ কৰা এই পথটোৰ নাম সলনি কৰিবলৈ দাবী জনাই আহিছিল।
Leave A Comment