গাত অলংকাৰৰ দৰে পিন্ধি ল’ব পৰা যাব মেট্ৰ’ ট্ৰেইনৰ টিকট! যাত্ৰীৰ বাবে ক’ত কৰা হৈছে এই সুবিধা?

এই নতুন টিকটৰ নাম হৈছে ‘টেপ টেপ’। দেশৰ আৰ্থিক ৰাজধানী মুম্বাই এখন অতি ব্যস্ত চহৰ। সেয়েহে চহৰখনৰ ব্যস্ত যাতায়তৰ সুবিধাৰ্থে মুম্বাই মেট্ৰ’ ৰে’ল কৰ্তৃপক্ষই (নাম মুম্বাই মেট্ৰ’ ৱান) এই সেৱা আৰম্ভ কৰিছে। বহুতে আশা কৰে যে যদি মুম্বাইত এই সেৱা সফল হয়, তেন্তে দেশৰ আন চহৰত এই সেৱা আৰম্ভ কৰিব পৰা যাব য’ত মেট্ৰ’ সেৱা চলি আছে।

মুম্বাই মেট্ৰ’ ৱানৰ মতে, যাত্ৰীৰ সংবেদনশীল ছালৰ কথা মনত ৰাখি এই টেপটেপটো নিৰ্মাণ কৰা হৈছে। পৰিৱেশ অনুকূল ছিলিকন সামগ্ৰীৰে নিৰ্মিত এই বেণ্ডটোৱে ছালৰ কোনো ধৰণৰ এলাৰ্জী বা ক্ষতি কৰাৰ সম্ভাৱনা নাই। এই দৈনন্দিন ব্যৱহাৰৰ বেণ্ডটোও পানীৰ পৰা ৰক্ষা কৰা হৈছে।