ৰবীন্দ্ৰনাথৰ শান্তিনিকেতনক ইউনেস্কৰ বিশ্ব ঐতিহ্যক্ষেত্ৰৰ তালিকাত অন্তৰ্ভুক্ত

১৯০১ চনত কবি আৰু দাৰ্শনিক ঠাকুৰে প্ৰতিষ্ঠা কৰা শান্তিনিকেতন আছিল প্ৰাচীন ভাৰতীয় পৰম্পৰাৰ আধাৰত আৰু ধৰ্মীয় আৰু সাংস্কৃতিক সীমা অতিক্ৰম কৰি মানৱতাৰ ঐক্যৰ দৃষ্টিভংগীৰে আৱাসিক বিদ্যালয় আৰু শিল্পৰ কেন্দ্ৰ।

মানৱতাৰ ঐক্য বা “বিশ্ব ভাৰতী”ক স্বীকৃতি দি ১৯২১ চনত শান্তিনিকেতনত এখন ‘বিশ্ব বিশ্ববিদ্যালয়’ স্থাপন কৰা হয়। ২০ শতিকাৰ আৰম্ভণিৰ প্ৰচলিত ব্ৰিটিছ ঔপনিৱেশিক স্থাপত্য অভিমুখীতা আৰু ইউৰোপীয় আধুনিকতাবাদৰ পৰা পৃথক, শান্তিনিকেতনে সমগ্ৰ অঞ্চলটোৰ প্ৰাচীন, মধ্যযুগীয় আৰু লোক পৰম্পৰাৰ আধাৰত এক পেন-এছিয়ান আধুনিকতাৰ দিশত কৰা দৃষ্টিভংগীক প্ৰতিনিধিত্ব কৰে।

বীৰভূম জিলাত অৱস্থিত এই সাংস্কৃতিক স্থানৰ বাবে ইউনেস্কোৰ টেগ পাবলৈ ভাৰতে বহুদিন ধৰি চেষ্টা কৰি আহিছিল।শান্তিনিকেতনৰ বিশ্ব-ভাৰতী বংগৰ একমাত্ৰ কেন্দ্ৰীয় বিশ্ববিদ্যালয়।

২০১০ চনতেই কেন্দ্ৰটোৱে প্ৰথমবাৰৰ বাবে শান্তিনিকেতনৰ বাবে বিশ্ব ঐতিহ্যৰ টেগ লাভ কৰাৰ চেষ্টা কৰিছিল। ২০২১ চনত ই পুনৰ অভিযান আৰম্ভ কৰে আৰু বিশ্ব ভাৰতী কৰ্তৃপক্ষৰ সহায়ত ভাৰতৰ প্ৰত্নতাত্ত্বিক জৰীপে এখন নতুন ড’ছিয়াৰ প্ৰস্তুত কৰি ইউনেস্কোৰ ওচৰত দাখিল কৰে।

কলকাতাত ঠাকুৰৰ জন্ম বাৰ্ষিকী উদযাপনৰ বাবে আয়োজন কৰা এক কাৰ্যসূচীত ভাষণ দি কেন্দ্ৰীয় গৃহমন্ত্ৰী অমিত শ্বাহে কয় যে ৰাষ্ট্ৰীয় শিক্ষা নীতি (এন ই পি) ২০২০ শান্তিনিকেতনত নোবেল বঁটা বিজয়ীগৰাকীয়ে প্ৰৱৰ্তন কৰা শিক্ষাৰ আৰ্হিৰ পৰা অনুপ্ৰাণিত হৈছে।