ডিজিটেল ডেস্ক: আগন্তুক তিনিদিনৰ বাবে বতৰৰ আগলি বতৰা প্ৰকাশ কৰিছে ভাৰতীয় বতৰ বিজ্ঞান বিভাগে৷ মধ্যপ্ৰদেশ, ছত্তীশগড়, মহাৰাষ্ট্ৰ, ওড়িশা, ঝাৰখণ্ডত প্ৰচণ্ড বতাহৰ লগতে বজ্ৰপাতৰ এলাৰ্ট জাৰি কৰা হৈছে৷ কাইলৈ প্ৰতি ঘণ্টাত ৫০ কিলোমিটাৰ বেগত বতাহ বলিব ওড়িশা, ঝাৰখণ্ড, মধ্যপ্ৰদেশ, ছত্তীশগড়ত৷
দেওবাৰে পশ্চিম বংগ, বিহাৰ, ঝাৰখণ্ড আৰু ওড়িশাত গ্ৰীষ্মদহন থাকিব৷ অন্ধ্ৰ প্ৰদেশ, তেলেংগানা, তামিলনাডু, পুডুচেৰীত হ’ব প্ৰচণ্ড গৰম৷ একেদৰে, দেওবাৰৰ দিনটোত অসম, মেঘালয়, নগালেণ্ড, মণিপুৰ, মিজোৰাম আৰু ত্ৰিপুৰাত ধাৰাসাৰ বৰষুণৰ সম্ভাৱনা৷ অৰুণাচল প্ৰদেশত সামান্য বৰষুণৰ সম্ভাৱনা৷
আনহাতে, সোমবাৰে মধ্য প্ৰদেশ, ওড়িশা, ছত্তীশগড়, মহাৰাষ্ট্ৰ, অসমত বজ্ৰপাত আৰু ধূলিৰ ধুমুহাৰ সম্ভাৱনা ব্যক্ত কৰিছে বতৰ বিজ্ঞান বিভাগে৷ অৰুণাচল প্ৰদেশত ধাৰাসাৰ বৰষুণৰ সম্ভাৱনা৷ পশ্চিম বংগ, বিহাৰ, ঝাৰখণ্ড আৰু ওড়িশাত গ্ৰীষ্মদহনৰ প্ৰভাৱ পৰিব৷
কেৰালা, অন্ধ্ৰ প্ৰদেশ, তেলেংগানা, তামিলনাডু, পুডুচেৰীত পৰিব তীব্ৰ গৰম৷ একেদৰে, মঙলবাৰে মধ্যপ্ৰদেশ, ছত্তীশগড়, পশ্চিম বংগ, ছিকিম, অসম, মেঘালয় আৰু তেলেংগানাত ধূলিৰ ধুমুহা হোৱাৰ সম্ভাৱনা আছে৷ হিমাচল প্ৰদেশ, ওড়িশা, ঝাৰখণ্ড, অৰুণাচল প্ৰদেশ, নগালেণ্ড, মণিপুৰ, মিজোৰাম, ত্ৰিপুৰা আৰু অন্ধ্ৰপ্ৰদেশত বজ্ৰপাতৰ সম্ভাৱনা৷ একেদৰে, অৰুণাচল প্ৰদেশত হ’ব নেৰানেপেৰা বৰষুণ৷ উত্তৰ-পূৰ্বাঞ্চলৰ আন ৰাজ্যতো হ’ব পাৰে বৰষুণ৷ পশ্চিম বংগ আৰু বিহাৰত অব্যাহত থাকিব হিটৱেভ৷ অন্ধ্ৰ প্ৰদেশ, তামিলনাডু আৰু পুডুচেৰীতো অব্যাহত থাকিব হিটৱেভ৷
Leave A Comment