অসমৰ ভিতৰতে সৰ্বশ্ৰেষ্ঠ বিকশিত অঞ্চল হ’ব BTR: অমিত শ্বাহ

• Image Credit: Internet

• Jan 24, 2021 | moderator

গুৱাহাটী: BTRৰ বৰ্ষপূৰ্তিত অমিত শ্বাহৰ উদাত্ত ভাষণ৷ বড়োলেণ্ডত শান্তিৰ এক নতুন যুগৰ সূচনা বুলি মন্তব্য় শ্বাহৰ৷ তেওঁ কয়, ‘চৰকাৰৰ সদিচ্ছাত বড়োলেণ্ডত নৱ বিকাশ হ'ব৷ এতিয়া বড়োলেণ্ড কেৱল বিকাশৰ বাটত আগুৱাব৷ অসমৰ ভিতৰতে সৰ্বশ্ৰেষ্ঠ বিকশিত অঞ্চল হ’ব BTR৷ জনসভাত উপস্থিত বড়ো-অবড়ো সকলো৷ বড়ো-অবড়োৰ বিভেদ সৃষ্টিকাৰীলৈ এয়া দৃঢ় উত্তৰ৷ বড়োলেণ্ডবাসীক দিয়া সকলো আশ্বাস পূৰণ কৰিব চৰকাৰে৷

আৰু পঢ়িব পাৰিব : জেৰেঙাৰ আৰ্তনাদ শুনিবলৈ চেষ্টা নকৰিলে মোদীয়ে: প্ৰদ্যুৎ বৰদলৈ

প্ৰধানমন্ত্ৰীৰ সপোনৰ নতুন ভাৰতৰ অংগ নৱ বড়োলেণ্ড৷ BTRৰ শান্তিপূৰ্ণ নিৰ্বাচন হ’ল আটাইৰে সংযুক্ত বিজয়৷' তেওঁ লগতে কয় যে, ‘চৰকাৰৰ সদিচ্ছাৰ বাবে শান্তি ঘূৰি আহিল BTRত৷ ‘বড়োলেণ্ডত বিজেপি-UPPLৰ চৰকাৰ তাৰেই ট্ৰেইলৰ৷’ অসমত একক সংখ্যাগৰিষ্ঠতাৰে বিজেপি চৰকাৰৰ দাবী শ্বাহৰ৷ আত্মসমৰ্পণকাৰী উগ্ৰপন্থীলৈ ৪ লাখ টকাৰ অনুদান ঘোষণা৷

আৰু পঢ়িব পাৰিব : পাঁচ মাহত ৩১ বাৰ ক’ভিড আক্ৰান্ত মহিলাক লৈ বিপাঙত চিকিৎসক মহল

সোণোৱাল চৰকাৰক প্ৰশংসাৰে ওপচাই তেওঁ কয়, ‘বহিঃৰাজ্যৰপৰা ওভতা ৪ লক্ষাধিকক দিছে আৰ্থিক সাহায্য৷ সন্ত্ৰাসবাদ মুক্ত কৰি উন্নতিৰ পথত আগুৱাই নিছে অসম৷’ উল্লেখ্য় যে, কেন্দ্ৰই BTRৰ সমষ্টি বৃদ্ধিৰ চিন্তা-চৰ্চা কৰিছে বুলিও তেওঁ প্ৰকাশ কৰি তেওঁ কয়, ‘সমষ্টি বৃদ্ধিৰ প্ৰস্তাৱ বিবেচনাৰ বাবে গঠন কৰা হৈছে আয়োগ৷’ BTRৰ বিভিন্ন উন্নয়ন প্ৰকল্প উদ্বোধন কৰে অমিত শ্বাহে৷ ছহিদ পৰিয়ালক ৫ লাখ টকাৰ অনুদান বিতৰণ কৰে৷