• আছুৰ কথা এতিয়া কোনেও নুশুনে, আছুৰ অৰাজনৈতিক চৰিত্ৰৰ অৱসান ঘটিছেঃ অতুল বৰা

    ৰাজনৈতিক

    কাজিৰঙা : আছুৰ বিৰুদ্ধে আক্ৰমণাত্মক অগপৰ কেন্দ্ৰীয় সভাপতি তথা মন্ত্ৰী অতুল বৰা৷ ‘আছুৰ কথা এতিয়া কোনেও নুশুনে৷ আছুৰ অৰাজনৈতিক চৰিত্ৰৰ অৱসান ঘটিছে’- বুলি মন্তব্য কৰে তেওঁ৷ কংগ্ৰেছকো তাচ্ছিল্য বৰাৰ৷ কংগ্ৰেছ এতিয়া মৰুভূমিসদৃশ বুলি কটাক্ষ কৰে বৰাই৷ অগপত ভেজাল ৰাজনীতি নাই বৰং আছুৰহে সম্প্ৰতি মৃত্যু ঘটিছে৷

    আৰু পঢ়িব পাৰিব : দেশৰ কনিষ্ঠতম মহিলা পাইলট কাশ্মীৰৰ আয়েছা

    আছুৰ অৰাজনৈতিক চৰিত্ৰৰ অৱসান ঘটাই লুৰিণজ্যোতি গগৈৰ লগতে আছুৰ নেতৃত্বই ইতিমধ্যে জাতীয় সংগঠনটোত কফিনৰ শেষ গজালটো মাৰিছে বুলি কটাক্ষ কৰে অতুল বৰাই৷ ৰাজ্যৰ চাহ বাগিচাসমূহত আৰম্ভ হোৱা ‘ধন পুৰস্কাৰ মেলা’ অনুষ্ঠানৰ এক কাৰ্যসূচীৰ বাবে আজি কাজিৰঙাৰ হাতীখুলিত উপস্থিত হৈ আছু সম্বন্ধে এনেধৰণৰ বক্তব্য প্ৰদান কৰে অগপৰ কেন্দ্ৰীয় সভাপতিজনে৷

    আৰু পঢ়িব পাৰিব : অভিনেত্ৰীক অশালীন মন্তব্য কৰি বিপদত জুবিন গাৰ্গ

    তেওঁ কয়, পূৰ্বতে আছুৰ কথা সকলোৱে শুনিছিল, মানিছিল৷ কিন্তু এতিয়া আৰু কোনেও নুশুনে৷ মন্ত্ৰী অতুল বৰাই কংগ্ৰেছক তাচ্ছিল্য কৰি কয় যে কংগ্ৰেছে চুনামী আনিব নোৱাৰে, বৰং কংগ্ৰেছ মানেহে চুনামী৷ কংগ্ৰেছ এতিয়া মৰুভূমিসদৃশ৷ ইপিনে, বিজেপি নেতৃত্বাধীন মিত্ৰজোঁট চৰকাৰখনে চাহ জনগোষ্ঠীকে প্ৰমুখ্যে সকলো পিছপৰা জাতি-জনগোষ্ঠীক আগবঢ়াই নিয়াৰ বাবে কচৰৎ কৰিছে বুলি অতুল বৰাই দোহাৰে৷

    Weather Forecast